Psalms 66
Бутюн халкълар ичюн дува
1Баш чалгъыджы ичюн. Телли чалгъы алетлеринде. Зебур. Йыр.2 aЭй, Алла, бизге мерамет эт,
эм де разылыкъ бер!
Сенинъ юзюнъ бизни ярыкълатсын!
Сэла
3 bЕр юзюнде яшагъанлар Сенинъ ёлунъны бильсинлер,
къуртарувынъ акъкъында бутюн халкъларнынъ хабери олсун!
4Эй, Алла, халкълар Сени макътасын,
бутюн халкълар Сени макътасынлар!
5 cМиллетлер севинсин, къуванчнен къычырсын!
Сен халкъларны догърулыкънен суд этесинъ,
ер юзюндеки миллетлерге ёл косьтересинъ.
Сэла
6Эй, Алла, халкълар Сени макътасын,
халкълар Сени макътасынлар!
Сэла
7 dМына, топракъ озь берекетини берди.
Алла-Алламыз бизнен разы олсун!
8Алла бизнен разы олсун,
ер юзюнинъ бутюн четлери Ондан къоркъсун!
Copyright information for
CrhCTB