Psalms 8
Алланынъ шурети ве инсаннынъ къыймети
1 aБаш чалгъыджы ичюн. Аль-хаггиттит. Давутнынъ зебуры.2 bЯ РАББИ, бизим Алламыз,
бутюн ер юзюнде Сенинъ Адынъ не къадар юдже!
Шуретинъ коктен де юксектир!
3 cСанъа къаршы чыкъкъан душманнынъ
ве интикъамджынынъ агъызларыны къапатмакъ ичюн,
Сен ойле яптынъ ки,
Сени сабийлер ве уфакъ балалар макътай,
Санъа такъат берелер.
4Козюм Сенинъ къолларынъ яраткъан кокке тикильсем,
Сен ерлештирген ай ве йылдызларынъа бакъсам,
5 dадам недир? Сен оны не ичюн акъылда тутасынъ?
Инсан огълу недир? Оны не ичюн къайгъырасынъ?
6Сен инсаннынъ эмиетини мелеклерден бираз уфакъча яптынъ,
шурет ве урьмет таджыны онъа бердинъ.
7 eСен инсанны бутюн яратыджылыгъынънынъ падишасы яптынъ,
бутюн барлыкъны онынъ аякълары астына къойдынъ:
8къой-эчкилернен туварларнынъ эписини,
эм де кийик айванларны,
9коктеки къушларны ве денъиз балыкъларыны,
ве денъиз ичиндеки бутюн джанлыларны.
10Я РАББИ, бизим Алламыз,
бутюн ер юзюнде Сенинъ Адынъ не къадар юдже!
Copyright information for
CrhCTB