Psalms 81
Алла – баш Къады!
Асафнынъ зебуры.
1 aАлла, аллаларнынъ топлашувында турып,аллалар арасында къарар чыкъара.
2 b«Не вакъыткъадже сиз адалетсиз суд этерсиз,
ярамай адамларгъа кулер юзьнен бакъарсыз?
Сэла
3 cФукъаре ве оксюзнинъ тарафыны алынъыз,
заваллы ве факъыргъа адалет косьтеринъиз!
4 dФукъаре ве факъырны къорчаланъыз,
ярамайларнынъ къолундан азат этинъиз оларны!
5 eОлар бильмейип ве анъламайып къаранлыкъта юрелер;
атта ер юзюнинъ темеллери сарсыла.
6 fМен айттым: “Сиз аллаларсынъыз,
эпинъиз Юдже Алланынъ огъулларысынъыз!”
7 gЛякин инсан киби оледжексинъиз,
эр бир башлыкъ киби тюшеджексинъиз!»
8Тур, эй, Алла, ер юзюни укюм эт,
бутюн халкълар Сенинъкидир!
Copyright information for
CrhCTB