a Текр 32.15; Збр 88.27
b 1 Пад 5.3; 2 Тар 2.5; Збр 85.8; 134.5
c Баш 1.9-10
d 2 Тар 6.13; Дан 6.10
e Збр 73.1; Ехез 34.31; Зек 9.16; Еуд 3.7-11
g Сай 14.22-23; Текр 1.35; 12.9; Ехез 20.15

‏ Psalms 94

Шукюр йыры

1 aАйдынъыз, келейик, РАББИге юксек сеснен йырлайыкъ! Бизим Къуртарыджы Къаямызны алгъышлап къычырайыкъ!
 2Онынъ янына шукюр сёзюнен якъынлашайыкъ,
Онъа къуванчнен багъырып йырлайыкъ!
 3 bРАББИ – улу Алладыр,
бутюн аллалардан устюн улу Падишадыр!
 4Ернинъ теренликлери Онынъ къолундадыр,
дагълар тёпелери де Онынъки.
 5 cДенъиз Онынъ, чюнки оны Озю яратты,
топракъны да Онынъ къоллары япты.
 6 dАйдынъыз, келейик, Онъа бель букип ибадет этейик,
бизни яраткъан РАББИнинъ огюнде тиз чёкейик!
 7 eО, бизим Алламыздыр,
бизлер исе – Онынъ яйласынынъ халкъы,
Онынъ къолундаки къойлармыз.
Эгер бугунь Онынъ сесине къулакъ аскъан олсанъыз!
 8«Сахрада Меривада олгъаны киби
ве шу куню Массада олгъаны киби ▼
▼Мерива; Масса – къ. еуд. «масса» ве «мерива» деген сёзлери «сынамакъ» ве «къавгъа этмек» демектир. Чыкъ 17.1-7 бакъ.

юрегинъизни таш этменъиз!
 9О ерде бабаларынъыз Мени сынавдан кечирдилер,
ишимни корьген олсалар да, Мени сынадылар.
 10Къыркъ йыл бу несиль мени ачувландыра эди.
“Бу халкънынъ юреги адашкъан,
олар Меним ёлларымны бильмегенлер”, – дедим Мен.
 11 gШунынъ ичюн Мен гъазапланып ант эттим:
“Олар мытлакъа Меним раатлыкъ ериме кирмейджеклер”».
Copyright information for CrhCTB