Psalms 10
Раббиге умют
Баш чалгъыджы ичюн. Давутнынъ зебуры.
1 aМен РАББИге умют багълайым.Сизлер насыл этип, джаныма дейсиз:
«Къуш киби, дагъынъызгъа учып кет.
2 bБакъынъыз, инсафсызлар яйларыны тартып,
адалетли яшагъан адамларны къаранлыкъта атмакъ ичюн,
окъларыны яйгъа къурдылар.
3 cТемеллер бозулгъан сонъ,
инсафлы адам не япаджакъ?»
4 dРАББИ Озь Мукъаддес Сарайындадыр.
РАББИ коклерде, Озь тахтында отура.
Онынъ козьлери корелер;
Онынъ бакъышы инсан огъулларыны сынавдан кечире.
5 eРАББИ инсафлы адамны сынап бакъа,
лякин инсафсыз адамны ве зорбалыкъны севген адамны
Онынъ кореджек козю ёкъ.
6 fИнсафсызларнынъ башына О, янгъан къорны, ягъмур киби, ташлайджакъ,
эм де атеш ве кукюрт ягъдыраджакъ,
куйдюрген ель де оларнынъ къысмети оладжакъ.
7 gРАББИ инсафлыдыр,
О, адалетни севе.
Догъру яшагъан адамлар Онынъ юзюни кореджеклер.
Copyright information for
CrhCTB