Psalms 107
Алланынъ севгисине шукюр!
1Тюркю. Давутнынъ зебуры.2 aЮрегим азыр!
Йырларым ве чалгъы чаларым,
эй, Алла, меним шуретим!
3 bУянынъыз, эй, арфа ве сантыр!
Мен танъда турарым!
4Халкълар арасында Сени шуретлерим, я РАББИ,
миллетлер ичинде Санъа йырларым!
5 cСенинъ севгинъ коклерден де юксек,
акъикъатынъ да булутларгъа узанып етер.
6Эй, Алла, коклерден юкъарыгъа чыкъ,
шуретинъ бутюн ер юзюни къапласын!
7Севгенлеринъ азат олсун деп,
къудретинънен оларны къуртар,
эм де манъа джевап бер!
8 dАлла Озюнинъ мукъаддес мескенинде айтты:
«Тантана этип, Шекемни болерим,
Сукъкъот вадийини ольчеп алырым.
9Гилад Менимки, Менашше де Менимки.
Эфраим – демир къалпагъым,
Ехуда – падишалыкъ таягъым.
10Моав – меним легеним;
Эдомны аякъкъапларымнен басаджагъым,
Фелестин топрагъында къычырып,
гъалебемни илян этеджегим».
11Ким мени пекитильген шеэрге алып киреджек?
Эдомгъа мени ким озгъарып бараджакъ?
12Эй, Алла, бизни ташлап кеткен Сен дегильсинъми?
Ордуларымызнен берабер чыкъмайсынъ,
эй, Алла!
13 eДушмангъа къаршы куреште бизге ярдым эт!
Инсаннынъ къуртарувы исе файдасыз.
14Алланынъ ярдымынен батырлыкъ япармыз,
душманларымызны О, ерге таптар.
Copyright information for
CrhCTB