a Збр 105.1
b Збр 17.20; 30.8
c Збр 55.5, 12; Еш 51.7, 12; Еуд 13.6
d Збр 53.9
e Збр 145.3; Йрм 17.5
f Збр 21.13
g Чыкъ 15.2; Еш 12.2
h Чыкъ 15.6
i Збр 72.28; 106.22
j Збр 23.7; Еш 26.2
k Сыр 21.27
l Еш 28.16; Зек 10.4; Мт 21.42; Мк 12.10; Лк 20.17; Фаал 4.11; Эф 2.20; 1 Пётр 2.7
m Мт 21.9; 23.39; Мк 11.9; Лк 13.35; 19.38
n 2 Пад 21.17; 4 Пад 8.20; Збр 17.29
o Збр 105.1

‏ Psalms 117

Гъалебе ичюн шукюр дувасы

1 aРАББИге шукюр этинъиз!
О, хайырлыдыр, ве эбедийдир Онынъ севгиси!
 2Исраиль халкъы бойле айтсын:
«Акъикъатен эбедийдир Онынъ севгиси!»
 3Харуннынъ сою айтсын:
«Акъикъатен эбедийдир Онынъ севгиси!»
 4РАББИден къоркъкъанлар айтсын:
«Акъикъатен эбедийдир Онынъ севгиси!»
 5 bХавфлы бир алда РАББИни чагъырдым;
О, мени эшитти де,
хавфсыз бир ерге чыкъарып къойды.
 6 cРАББИ меним тарафымда,
ич бир шейден къоркъмам!
Инсан манъа не япа билир?
 7 dРАББИ меним тарафымда, О, меним ярдымджымдыр.
Душманларыма къоркъмайып бакъам.
 8 eИнсангъа ишанмакътан
РАББИге умют багъламакъ яхшы.
 9Мырзаларгъа ишанмакътан
РАББИге умют багъламакъ яхшы.
 10 fХалкъларнынъ эписи мени сарып алды,
лякин РАББИнинъ Адынен оларны къырып ташладым.
 11Этрафымны сардылар, мени алкъагъа алдылар,
лякин РАББИнинъ Адынен оларны къырып ташладым.
 12Балкъуртлар киби мени сарып алдылар
ве тикенде сёнген атеш киби сёндилер,
лякин мен оларны РАББИнинъ Адынен къырып ташладым.
 13Йыкъылсын деп, мени пек тюрттилер,
амма РАББИ манъа ярдым этти.
 14 gРАББИ – меним къуветим ве йырым,
О – меним къуртарувым олды!
 15 hКъуванч ве къуртулыш сеслери
инсафлыларнынъ чадырларында янъгъырай,
РАББИнинъ онъ къолу кучьлю ишлер япа!
 16РАББИнинъ онъ къолу юксек котериле,
РАББИнинъ онъ къолу кучьлю ишлер япа!
 17 iМен ольмем, яшай берерим,
РАББИнинъ ишлерини хабер этерим.
 18РАББИ мени къатты джезалады,
амма олюмге джанымны бермеди.
 19 jАкъикъат къапуларыны манъа ачып беринъиз,
олардан кирип, РАББИни шуретлерим!
 20 kБу – РАББИнинъ къапусыдыр,
инсафлылар ондан кирерлер.
 21Сени шуретлерим, я РАББИ!
Сен мени эшиттинъ
ве меним Къуртарыджым олдынъ.
 22 lКъуруджылар келишиксиз деп четке ташлагъан таш
бинанынъ темельташы олды.
 23Козюмиз огюнде япылгъан аджайип шей –
Алланынъ ишидир!
 24Бу кунни РАББИ яратты,
онда севинип шенъленейик!
 25Я РАББИ, бизни къуртар,
я РАББИ, бизге мувафакъиет бер!
 26 mРАББИнинъ Ады иле Келеяткъанны шуретленъиз!
РАББИнинъ Эвинден сизни алгъышладыкъ!
 27 nРАББИ – Алладыр, бизге ярыкъ берди.
Байрам къурбаныны йиплернен багъланъыз,
бойнузлы къурбан ерине оны алып барынъыз.
 28Аллам Сенсинъ, Сени шуретлерим,
Аллам Сенсинъ, Сени юксельтирим.
 29 oРАББИни шуретленъиз!
О, хайырлыдыр,
акъикъатен эбедийдир Онынъ севгиси!
Copyright information for CrhCTB