Psalms 12
Алланынъ яхшылыгъына умют
1Баш чалгъыджы ичюн. Давутнынъ зебуры.2 aЯ РАББИ, не вакъыткъадже мени унутаджакъсынъ?
Не вакъыткъадже менден юзюнъни сакълайджакъсынъ?
3Не вакъыткъадже озь тюшюнджелеримнен дженклешеджегим,
не вакъыткъадже юрегимни чекиштиреджегим?
Не вакъыткъадже душман мени енъеджек?
4 bЯ РАББИ, Аллам, манъа бакъып, джевап бер,
меним козьлериме ярыкъ бер,
олюм юкъусына батып къалмайым!
5 cДушманым: «Оны енъдим», – демесин,
аякъларым тайгъанда, мени къувгъанлар севинмесин.
6 dМен Сенинъ буюк севгинъе ишанам,
Сенден кельген къуртарув ичюн юрегим къувана.
РАББИге йыр йырлайджагъым,
чюнки О, манъа яхшылыкъ япты!
Copyright information for
CrhCTB