Psalms 121
Ерусалим ичюн аманлыкъ дувасы
Давутнынъ зиярет йыры.
1 aОлар манъа: «Айды, РАББИнинъ Эвине барайыкъ!» – дегенде,мен къувандым.
2Энди сенинъ къапуларынъда
аякъларымыз турды, Ерусалим!
3Ерусалим, сен шеэр оларакъ къурулдынъ,
къысымларнынъ бирлиги олдынъ!
4 bШу шеэрге къабилелер келир,
РАББИнинъ къабилелери Онынъ Адына тешеккюр этип,
Исраильге берильген шаатлыкъны беджерир.
5 cО ерде укюм этмек ичюн тахтлар къоюлды,
Давут падиша союнынъ тахтлары.
6 dЕрусалим ичюн селямет соранъыз!
Сени севгенлер аманлыкъ корьсюн!
7Къалелеринъде селямет олсун,
керменлеринъде – аманлыкъ!
8Агъа-къардашларым ве якъынларым ичюн айтарым:
«Сенде селямет олсун!»
9 eАлламыз олгъан РАББИнинъ Эви ичюн,
санъа эйилик тилерим!
Copyright information for
CrhCTB