Psalms 122
Мерамет дувасы
Зиярет йыры.
1 aКозьлеримни Санъа котердим,эй, Коклерде Отургъан!
2Къул эфендисининъ къолуна бакъкъаны киби,
къадын къул – ханымынынъ къолуна бакъкъаны киби,
биз де РАББИге бакъармыз,
ве О, бизге мерамет этеджек.
3 bБизге мерамет эт, я РАББИ!
Бизге мерамет эт!
Биз чокъ нефрет корьдик.
4 cМагърурларнынъ масхарасындан,
кибирлилернинъ нефретинден
джанымыз тойды!
Copyright information for
CrhCTB