Psa 13 | CrhCTB | STEP | Баш чалгъыджы ичюн. Давутнынъ зебуры . Акъылсыз озь юрегинде: «Алла ёкъ», – деди. Адамлар бозулды, игренч ишлер япып башлады. Яхшылыкъ япкъан ич кимсе ёкъ.

b Баш 11.5; Текр 26.15; Збр 32.14; 101.19

d Икм 30.14; Йрм 10.25; Ехез 34.3; Микъа 3.3

‏ Psalms 13

Акъылсызлыкъ ве инсафсызларнынъ ишлери

Баш чалгъыджы ичюн. Давутнынъ зебуры.

1 ^aАкъылсыз озь юрегинде: «Алла ёкъ», – деди.
Адамлар бозулды, игренч ишлер япып башлады.
Яхшылыкъ япкъан ич кимсе ёкъ.
2 ^bРАББИ инсан огъулларына коклерден бакъты,
«Алланы къыдыргъан бир акъыллы адам бармы?» – деди.
3 ^cАмма эписи ёлдан урулып, бозулдылар,
бири-бирине ошадылар.
Яхшылыкъ япкъан ич кимсе ёкъ,
бир адам биле ёкъ!
4 ^dЯманлыкъ япкъанларнынъ акъылы етмезми?
Олар халкъымны, бир отьмек киби, ашайлар,
РАББИни исе ич чагъырмайлар.
5 Оларны буюк къоркъу басаджакъ,
чюнки Алла тек инсафлыларнынъ арасындадыр.
6 Фукъарелер РАББИге умют багъласалар да,
сиз оларнынъ ниетини мыскъыллайсыз.
7 Ким Сиондан Исраильге къуртарувны береджек?
РАББИ Озь халкъыны эсирликтен къайтаргъанда,
Якъупнынъ сою къуванаджакъ,
Исраиль севинеджек.