Psa 131 | CrhCTB | STEP | Зиярет йыры. Я РАББИ, Давутны да, онынъ бутюн къасеветлерини унутма.

a 1 Тар 22.7; Фаал 7.46

c Збр 98.5

d Збр 77.61; 2 Тар 6.41

e Эюп 29.14

f 2 Тар 6.42

g Збр 88.34-35; 109.4; 2 Пад 7.12

h 3 Пад 8.25

i Чыкъ 19.18; Збр 67.17; 77.68

j Збр 147.3; Рут 1.6

k 2 Пад 21.17; 4 Пад 8.20; Збр 17.29

‏ Psalms 131

Давутнынъ анты ве Алланынъ васиети

Зиярет йыры.

1 Я РАББИ, Давутны да,
онынъ бутюн къасеветлерини унутма.
2 О, РАББИ огюнде ант эткен,
Якъупнынъ Кучьлю Алласына адакъ берип, деген:
3 «Мен чадырыма-эвиме кирмейджегим,
тёшегиме ятмайджагъым,
4 козьлериме юкъу кирмейджек,
юммайджагъым козь къапакъларымны
5 ^aРАББИге бир ер,
Якъупнынъ Кучьлю Алласына бир яшагъан ер тапмагъанымдже».

6 О, Эфрата шеэринде олгъаныны эшиттик,
Яар топрагъында оны таптыкъ ^{▼▼Бельки мында Яар (Кирьят-Ярим) шеэринде олгъан Васиет Сандыгъы акъкъында айтыладыр. Фелестинлилер оны мында къайтардылар.}.
7 ^cАйдынъыз, Онынъ мескенине барайыкъ,
аякълары астына йыкъылайыкъ!
8 ^dТур, я РАББИ,
ве раатланаджакъ еринъе чыкъ,
Озюнъ иле Къудрет Сандыгъынъ!
9 ^eРуханийлеринъ адалетке кийинсин,
азизлеринъ исе къуванчнен къычырсын!
10 ^fКъулунъ Давутнынъ хатири ичюн,
Сенинъ Месихинъни ред этме!
11 ^gРАББИ Давуткъа акъикъий ант этти,
О, сёзюнден ич къайтмаз:
«Тахтынъа сенинъ эвлятларынъдан адам къояджагъым.
12 ^hЭгер огъулларынъ Меним васиетимни
ве Озюм огретеджек шаатлыкъларны тутсалар,
оларнынъ огъуллары да эбедиен падиша тахтынъда отураджакълар», – деди.
13 ⁱРАББИ Сионны сайлап алды,
Озюне мескен этмек ичюн, шу ерни истеди.
14 «Бу ер эбедиен меним раатланаджакъ ерим олур.
Бу ерни сечтим ве мында ерлеширим, – деди.
15 ^j– Оны мытлакъа берекетнен кечиндиририм,
онынъ фукъарелерини отьмекке тойдурырым.
16 Руханийлерине къуртулыш урбасыны кийдиририм,
азизлери буюк севинчнен къычырырлар.
17 ^kО ерде Давут ичюн къудретли эвлядыны асыл этерим.
Месихим ичюн девамлы падишалыкъны Мен азырладым ^{▼▼Къ. еуд. сёзю-сёзюне «Мен анда Давуткъа бойнуз (демек, къудретли эвлят, падиша) осьтюририм; Мен меним Месихиме къандиль азырладым» демектир.}.
18 Онынъ душманларыны масхара этерим,
башында исе тадж парылдар».