‏ Psalms 135

Тешеккюр гимни

1 ^aРАББИге шукюр этинъиз!
О, хайырлыдыр,
– акъикъатен эбедийдир Онынъ севгиси!
2 ^bАллаларнынъ Алласына шукюр этинъиз,
– акъикъатен эбедийдир Онынъ севгиси!
3Раббилернинъ Раббисине шукюр этинъиз,
– акъикъатен эбедийдир Онынъ севгиси!
4 ^cО, Озь башына буюк аджайип ишлер япты,
– акъикъатен эбедийдир Онынъ севгиси, –
5 ^dкоклерни икметнен яратты,
– акъикъатен эбедийдир Онынъ севгиси, –
6 ^eерни сувлар устюне пекитти,
– акъикъатен эбедийдир Онынъ севгиси, –
7 ^fбуюк ярыкъларны яратты,
– акъикъатен эбедийдир Онынъ севгиси, –
8куннинъ сабысы олсун деп, кунешни яратты,
– акъикъатен эбедийдир Онынъ севгиси, –
9гедженинъ сабысы олсун деп, ай ве йылдызларны яратты,
– акъикъатен эбедийдир Онынъ севгиси!
10 ^gО, Мысырда биринджи догъгъанларны ольдюрди,
– акъикъатен эбедийдир Онынъ севгиси, –
11 ^hИсраильни андан алып чыкъарды,
– акъикъатен эбедийдир Онынъ севгиси, –
12Озюнинъ къудретинен, кучь-къуветинен,
– акъикъатен эбедийдир Онынъ севгиси!
13 ⁱО, Къызыл денъизни экиге больди,
– акъикъатен эбедийдир Онынъ севгиси, –
14Исраильни денъиз ортасындан кечирди,
– акъикъатен эбедийдир Онынъ севгиси, –
15 ^jфыравунны ве ордусыны Къызыл денъизге ташлады,
– акъикъатен эбедийдир Онынъ севгиси!
16 ^kО, Озь халкъыны сахрадан кечирди,
– акъикъатен эбедийдир Онынъ севгиси, –
17 ^lбуюк падишаларны ольдюрди,
– акъикъатен эбедийдир Онынъ севгиси, –
18къудретли падишаларны ёкъ этти,
– акъикъатен эбедийдир Онынъ севгиси, –
19 ^mаморлыларнынъ падишасы Сихонны,
– акъикъатен эбедийдир Онынъ севгиси, –
20 ⁿве Башаннынъ падишасы Огны ёкъ этти,
– акъикъатен эбедийдир Онынъ севгиси!
21О, оларнынъ топрагъыны мирас этип берди,
– акъикъатен эбедийдир Онынъ севгиси, –
22Озь къулу Исраильге мирас этип берди,
– акъикъатен эбедийдир Онынъ севгиси!
23Хор олгъанымызда, О, бизни унутмады,
– акъикъатен эбедийдир Онынъ севгиси, –
24 ^oве душманларымыздан бизни къуртарды,
– акъикъатен эбедийдир Онынъ севгиси!
25 ^pО, эр бир джангъа аш бере,
– акъикъатен эбедийдир Онынъ севгиси!
26Коклернинъ Алласына шукюр этинъиз,
– акъикъатен эбедийдир Онынъ севгиси!