a Ехез 1.1; 3.15; 10.15
b Дан 6.10
c Эюп 29.10; Ехез 3.26
d Еш 34.5; Йрм 49.7-22; Ехез 25.12-14; 35.1-15; Ам 1.11-12; Ов 1.1-16; Мал 1.3-4
e Еш 21.9; 47.1; Йрм 50.1; Сыр 18.6
f 4 Пад 8.12; Еш 13.16; Нах 3.10

‏ Psalms 136

Эсир алынгъан исраиллилернинъ агълавы

1 aВавилон озенлери боюнда отурып,
биз Сионны акъылымызгъа кетирип, агълай эдик.
 2Вавилоннынъ ортасында тал тереклерине
арфаларымызны асып къойгъан эдик.
 3Бизни эсир этип алгъанлар,
бизни о ерде масхара этип,
бизден йыр айтып бергенимизни истей эдилер:
«Сион йырларындан айтып беринъиз!» – деп,
джанымызны къыйнай эдилер.
 4Амма ят ерде олып,
РАББИнинъ йырыны насыл айтайыкъ?
 5 bЭгер сени унутсам, эй, Ерусалим,
онъ къолум мени унутсын!
 6 cЭй, Ерусалим, эгер сени хатырламасам,
энъ буюк къуванчымдан юкъары тутмасам,
тилим танълайыма япышып къалсын!
 7 dЭдом огъулларыны хатырла, я РАББИ!
О куню Ерусалимде олар:
«Оны темелине къадар йыкъынъыз,
йыкъып харабеге чевиринъиз!» – дедилер.
 8 eЭй, харап этиледжек Вавилон къызы!
Бизге япкъан ишлеринъ ичюн
не де бахтлыдыр сени джезалайджакълар!
 9 fНе де бахтлыдыр къундакъ балаларынъны алып,
къаягъа урып ольдюреджек инсанлар!
Copyright information for CrhCTB