Psalms 141
Ярдым дувасы
Давутнынъ маскили. Онынъ къобада сакълангъан вакътында окъугъан дувасы.
1РАББИден имдат истейим,озь сесимнен РАББИден мерамет сорайым.
2 aОнынъ огюне къасеветлеримни тёктим,
къайгъыларымны Онъа ачып бердим.
3 bМеним тенимде гонъюль такъаттан кесильгенде,
мен баргъан ёлумны Сен биле эдинъ.
Мен келеяткъан ёлумда исе
олар гизли тузакъ къойдылар.
4Онъ тарафыма бакъсам,
мени таныгъан ич кимсе ёкъ.
Мен ичюн бир сыгъынакъ да къалмады,
джаным акъкъында кимсе къайгъырмай.
5 cЯ РАББИ, Сени къычырып чагъырдым:
«Сенсинъ меним сыгъынагъым,
тирилер дюньясындаки къысметим!»
6 dАгълавымны эшит, мен рухтан тюштим.
Мени къувгъанларнынъ къолундан къуртар,
олар менден кучьлюдир!
7 eАдынъны шуретлемек ичюн,
зиндандан джанымны чыкъар!
Манъа эйилик япкъанынъ ичюн,
ишанчлылар этрафымда топланаджакълар.
Copyright information for
CrhCTB