a Збр 102.1; 103.1
b Збр 103.33
c Збр 117.8; Йрм 17.5
d Збр 103.29; Еш 2.22
e Збр 102.6; 106.9; Еш 61.1
f Збр 144.14; Мт 9.28-30; Лк 13.11-13
g Чыкъ 22.21; Текр 10.18
h Чыкъ 15.18; Збр 9.35

‏ Psalms 145

Аллагъа умют этмек – бахыт

1 aЭльхамдюлилля!
Эй, джаным, РАББИни макъта!
 2 bОмюрбилля РАББИни макътарым,
сагъ олгъанымда, Аллагъа йырларым!
 3 cИшанманъыз мырзаларгъа,
къуртарып оламайджакъ адамларгъа!
 4 dАдамнынъ руху чыкъып, о, озь топрагъына къайта,
ве о куню бутюн ниетлери ёкъ олып кетелер.
 5Якъупнынъ Алласы ярдым эткен адам,
РАББИ олгъан Алласына умют эткен инсан бахтлыдыр!
 6О, ер юзюни, кокни ве денъизни,
олардаки эр бир шейни де яратты!
Эбедиен О, ишанчлы!
 7 eО, эзильгенлерге адалетли укюм эте,
ачларгъа отьмек бере!
РАББИ эсирлерни азат эте!
 8 fРАББИ сокъурларнынъ козюни ача,
эр бир бели букюльгенни О, котерип турсата!
РАББИ инсафлыларны севе!
 9 gРАББИ ят халкълардан олгъанларны къорчалай,
оксюзлерге ве тул апайларгъа ярдым эте,
ярамайларнынъ ёлуны исе боза.
 10 hЭй, Сион! Сенинъ Алланъ олгъан РАББИ
эбедиен несильден несильге Падиша олур!
Эльхамдюлилля!
Copyright information for CrhCTB