Psalms 146
Алланынъ улулыгъы акъкъында йыр
1 aЭльхамдюлилля!Не де гузель макътавлар йырламакъ Алламызгъа!
Шырын макътавлар Онъа яраша!
2 bРАББИ Ерусалимни янъыдан къура,
О, Исраильнинъ сюргюнлерини джыя.
3 cУмютсизликке тюшкенлернинъ гонълюни О, ала,
оларнынъ юрек яраларыны багълай.
4 dО, йылдызларнынъ сайысыны тайинлей,
эр бирине адыны бере.
5 eРаббимиз улу ве пек кучьлюдир,
Онынъ акъылы ольчюсиз.
6РАББИ алчакъгонъюллилерни юкъарыгъа котере,
ярамайларны исе ерге тюшюрип ташлай.
7 fРАББИге тешеккюр йырланъыз,
Алламызгъа сантыр чалынъыз!
8 gО, булутларнен кокни къаплай,
ер ичюн О, ягъмур азырлай,
байырларда от осьтюре,
9 hайванларгъа аш бере,
Оны чагъыргъан къаргъа баласыны ашата.
10 iАтнынъ кучю Оны хошнут этмез,
адамнынъ чабиклиги де тесир къалдырмаз.
11 jЛякин РАББИнинъ разылыгъы Ондан къоркъкъан
ве Онынъ эйилигини беклеген адамларнен олур.
Copyright information for
CrhCTB