Psalms 148
Бутюн дюнья Алланы макътасын!
1 aЭльхамдюлилля!Коктен РАББИни макътанъыз,
тёпелерде Оны макътанъыз!
2 bЭй, Онынъ бутюн мелеклери,
Оны макътанъыз!
Эй, Онынъ бутюн ордулары,
Оны макътанъыз!
3Эй, кунеш ве ай,
Оны макътанъыз!
Эй, бутюн нурлу йылдызлар,
Оны макътанъыз!
4 cЭй, коклернинъ коклери,
эй, кок устюндеки сувлар,
Оны макътанъыз!
5 dОлар РАББИнинъ Адыны макътасынлар.
О, эмир этти, ве олар яратылды.
6 eО, оларны эбедий ерлештирди,
оларгъа бозулмайджакъ бир низамнаме берди.
7 fЭй, денъиз аждерхалары ве тюбю олмагъан чукъурлар,
ерден РАББИни макътанъыз!
8 gЭй, атеш ве бурчакъ, къар ве туман,
Онынъ эмирини ерине кетирген боран!
9Эй, дагълар ве бутюн байырлар,
мейва тереклери ве кедрлернинъ эписи!
10Эй, джанаварлар ве бутюн тувар,
сюйрекленгенлер ве къанатлы къушлар!
11Эй, дюнья падишалары ве эписи халкълар,
ёлбашчылар ве ернинъ эписи башлары!
12Эй, йигитлер ве къызлар,
къартлар ве яшлар!
13 hЭписи РАББИнинъ Адыны макътасынлар!
Ялынъыз Онынъ Ады Юджедир!
Онынъ буюклиги ер ве кок устюнде кенишлей!
14РАББИ Озь халкъы ичюн бойнуз ▼
▼Бойнуз – «къудрет», «дженкте гъалебе», я да «къудретли падиша» манасы олмасы мумкюн.
котерди;Озь азизлерининъ эписине,
Исраиль огъулларына,
Озюне якъын олгъан халкъына макътав йырыны берди!
Эльхамдюлилля!
Copyright information for
CrhCTB