a Збр 72.25
b Чыкъ 23.13; Ехо 23.7; Хош 2.17; Зек 13.2
c Сай 18.20; Йрм 10.16; 51.19; Агъл 3.24
d Збр 108.31; Фаал 2.25-28
e Эюп 33.28; Збр 29.4; 48.16; 85.13; Еш 38.17; Фаал 2.27
f Мт 7.14

‏ Psalms 15

Месих акъкъында пейгъамберлик

Давутнынъ миктамы.

1Эй, Аллам, мени сакъла,
Санъа умют багълайым.
 2 aМен РАББИге дедим:
«Сен меним Раббимсинъ,
Сенден башкъа мен ичюн яхшы шей ёкъ».
 3Ер юзюнде олгъан азиз адамларгъа, асылзаделерге,
оларнынъ эписине меним бутюн муратларым.
 4 bБашкъа аллаларгъа инангъанларнынъ дертлери чокълашсын!
Олар къан тёкип, ичерлик бахшышларыны кетирелер;
мен исе буны япмам,
агъзымдан оларнынъ адлары биле чыкъмаз.
 5 cРАББИ – меним къысметим, меним къадирим;
башымнынъ язысы Сенинъ къолунъда.
 6Манъа ольчеп берильген топракъкъа не гузель ерлер тюшти,
меним топракъ пайым манъа гузель корюне.
 7Манъа акъыл берген РАББИни алгъышлайым,
геджелери биле виджданым мени огрете.
 8 dРАББИм эр вакъыт козюм огюнде.
О, онъ тарафымда,
мен ич бир вакъыт сарсылмам.
 9Шунынъ ичюн юрегим къувана,
тилимден севинч тёкюле,
беденим де хавфсызлыкъта раат олур.
 10 eСен олюлер дюньясында джанымны ташлап кетмезсинъ,
Озь азизинъе мезарда чюрюмеге ёл бермезсинъ.
 11 fСен аят ёлуны манъа бильдирирсинъ.
Сенинъ янынъда адам къуванчкъа тола,
Сенинъ онъ къолунъда эр вакъыт зевкъ-сефа.
Copyright information for CrhCTB