Psalms 150
Раббини макътанъыз!
1 aЭльхамдюлилля!Мукъаддес мескенинде олгъан Алланы макътанъыз!
Къуббесинде къудретинде олгъан Оны макътанъыз!
2Батыр ишлери ичюн Оны макътанъыз!
Сынъырсыз улулыгъы ичюн Оны макътанъыз!
3 bБору чалып, Оны макътанъыз!
Арфа ве сантырда Оны макътанъыз!
4 cДаре чалып ве ойнап, Оны макътанъыз!
Най ве телли алетлерде Оны макътанъыз!
5 dДавушлы зиллернен Оны макътанъыз!
Янъгъыравукъ зиллернен Оны макътанъыз!
6Эр бир джан РАББИни макътасын!
Эльхамдюлилля!
Copyright information for
CrhCTB