f Збр 118.142, 151, 160
Psalms 18
Алланынъ Шурети Онынъ къанунларында ве О яраткъан шейлеринде корюне
1Баш чалгъыджы ичюн. Давутнынъ зебуры.2 aКоклер Алланынъ шуретини бильдире,
кок къуббеси Онынъ яраткъаны акъкъында хабер бере.
3Коклер куньден-куньге лаф эте,
геджелери олар бильги сачалар.
4Эр бир тильде, эр бир шиведе
оларнынъ сеси эшитиле.
5 bОларнынъ сеси бутюн ер юзюнден кече,
оларнынъ хабери дюньянынъ четине ете.
Алла кунеш ичюн анда мескен япты;
6 cкунеш, никях одасындан киев киби, чыкъа,
батыр киби, къуванып, озь месафесини чапып кече.
7Онынъ чыкъкъан ери – кокнинъ четиндедир,
ёлу исе башкъа четине бара,
сыджагъындан ич бир шей сакъланмаз.
8 dРАББИнинъ Къануны мукеммельдир,
о, джангъа кучь бере.
РАББИнинъ шаатлыгъы догърудыр,
о, саде адамгъа акъыл бере.
9 eРАББИнинъ къаиделери догърудыр,
олар юрекни къувандыра.
РАББИнинъ эмири темиздир,
о, козьлерни ярыкълата.
10 fРАББИден къоркъмакъ – темиз ве эбедийдир,
РАББИнинъ къарарлары керчек ве бутюнлей догърудыр.
11 gОлар алтындан, чокъ ве темиз алтындан зияде истек догъура,
олар балдан, солакъ балынынъ тамчысындан да татлыдыр.
12Сенинъ къулунъны да олар сакълай,
оларгъа бойсунгъан адам буюк мукяфат алыр.
13Ким озь янълышларыны коре билир?
Гизли хаталардан мени темизле!
14 hБиле-биле япылгъан гуналардан Озь къулунъны сакъла,
олар манъа аким олмасын.
О вакъытта мен къабаатсыз,
буюк бозукълыкътан темиз олурым.
15 iАгъзымдан чыкъкъан сёзлернен,
юрегимден кечкен тюшюнджелернен
разы ол, я РАББИ!
Сен – меним таянгъан Къаям ве Къуртарыджымсынъ!
Copyright information for
CrhCTB