a Збр 27.7
b Збр 19.5
c 4 Пад 20.6; Збр 60.6; 90.16
d Збр 15.8
e Эюп 15.34; 20.26; Збр 17.9; 96.3; Мал 4.1; Еуд 10.27
f Эюп 18.19
g Збр 17.15

‏ Psalms 20

Енъиш къазангъаны ичюн макътав

1Баш чалгъыджы ичюн. Давутнынъ зебуры.
 2 aЯ РАББИ, Сенинъ къудретинънен падиша севинир,
Сен берген къуртарув ичюн пек къычырып къуваныр!
 3 bСен гонълю истегенини онъа бердинъ,
агъзындан чыкъкъан тилегини ред этмединъ.

Сэла
 4Сен оны яхшы бахшышларнен къаршыладынъ,
онынъ башына темиз алтындан тадж кийдирдинъ.
 5 cО, Сенден аят истеди,
ве Сен онъа асырларгъа узангъан омюрни бердинъ.
 6Сен берген къуртулышнен онынъ шурети юксельди,
Сен онъа шан-шурет ве улулыкъ бердинъ.
 7Сен онъа эбедий бахшышларны бердинъ,
Сенинъ юзюнъ онъа къуванч кетирди.
 8 dПадиша РАББИге ишана;
Юдже Алланынъ севгисинде олып, о, сарсылмаз.
 9Сенинъ къолунъ бутюн душманларынъны тападжакъ,
Сенинъ онъ къолунъ Сени кореджек козю олмагъанларны тападжакъ.
 10 eЯ РАББИ, Сен ачувлангъан вакъытта,
оларны янгъан фурунгъа чевиреджексинъ.
РАББИнинъ гъазабы оларны ютаджакъ,
атеш оларны ёкъ этеджек.
 11 fСен оларнынъ несилини ер юзюнден ёкъ этеджексинъ,
оларнынъ эвлятларыны инсанларнынъ арасындан силеджексинъ.
 12Олар Санъа къаршы яманлыкъ япаджакъ олсалар,
къара ниетлерине иришип оламайджакълар.
 13 gСен оларны къачып къуртулмагъа меджбур этеджексинъ,
яйларынъны чекип, бетлерини нишангъа аладжакъсынъ.
 14Тур, я РАББИ, бутюн кучюнъни косьтер!
Сенинъ къудретинъ акъкъында йырлайджакъмыз
ве чалгъы чаладжакъмыз!
Copyright information for CrhCTB