a Чыкъ 9.29; Эюп 41.3; Збр 49.12; 88.11
b 1 Пад 2.8; Збр 101.26; 103.5; Икм 8.29
c Збр 14.1-5; Еш 33.14-16
d Збр 50.12; Мт 5.8
e Збр 117.19-20; Еш 26.2
f Чыкъ 15.3
g Мал 1.14

‏ Psalms 23

Улу Падиша

Давутнынъ зебуры.

1 aБутюн дюнья ве оны толдургъан барлыкъ,
ер юзю ве онда яшагъанларнынъ эписи – РАББИнинъдир!
 2 bО, ерни денъизлер устюнде темеллештирди,
дерьялар устюнде оны къатты япып ерлештирди.
 3 cРАББИнинъ дагъына ким чыкъаджакъ?
Онынъ азиз еринде ким тураджакъ?
 4 dКъабаатсыз къолу, темиз юрекли,
джаныны бош путларгъа бермеген,
ялан айтып ант этмеген адам.
 5О, РАББИден яхшылыкъ алыр,
Къуртарыджы олгъан Алладан догърулыкъ тапар.
 6Мына будыр Оны къыдыргъан адамлар.
Эй, Якъупнынъ Алласы, олар бойледир,
Сенинъ юзюнъни къыдыргъанлар!

Сэла
 7 eЭй, араба къапулары, башынъызны котеринъиз,
ачылынъыз, эбедий къапулар!
Шуретли Падиша кирсин ичери!
 8 fКимдир бу шуретли Падиша?
Къудретли ве къуветли РАББИдир,
дженкте кучьлю РАББИдир!
 9Эй, араба къапулары, башынъызны котеринъиз,
ачылынъыз, эбедий къапулар!
Шуретли Падиша кирсин ичери!
 10 gКимдир бу шуретли Падиша?
Ордуларнынъ РАББИси,
Одыр шуретли Падиша!

Сэла
Copyright information for CrhCTB