a Збр 7.9
b 1 Тар 28.9; 29.17; Збр 138.23; Икм 17.3; Йрм 17.10
c Збр 24.5
d Збр 1.1; 138.21
e Текр 21.6; Збр 72.13; Мт 27.24
f Збр 9.2
g Збр 27.3
h Чыкъ 23.8

‏ Psalms 25

Къорчалав акъкъында ялварув

Давутнынъ зебуры.

1 aЯ РАББИ, мени акъла,
чюнки мен къабаатсыз олып яшадым.
Сарсылмайып, РАББИге ишандым.
 2 bЯ РАББИ, мени сынап бакъ,
тюшюнджелеримни ве юрегимни сынавдан кечир!
 3 cСенинъ севгинъ меним козюм огюнде,
Мен Сенинъ акъикъатынънен эр вакъыт юрдим.
 4Яланджы акъайларнен отурмадым,
ичи къара адамларнен де юрмем.
 5 dЯманлыкъ япкъанларнынъ топлашувыны кореджек козюм ёкъ,
инсафсызларнен де отурмам.
 6 eКъолларымны къабаатсыз тутарым,
Сенинъ къурбан еринъе чыкъарым, я РАББИ.
 7 fСанъа давушнен шукюр этерим,
бутюн аджайип ишлеринъни айтып берерим.
 8Я РАББИ, Сен яшагъан эвинъни
ве Шуретинъ ерлешкен ерини мен севем.
 9 gГунакярларны ве къанназ адамларны ёкъ эткенде,
джанымны ве омрюмни ёкъ этме.
 10 hОларнынъ къоллары яманлыкъ япмагъа азырлар,
онъ къоллары къапарларгъа толып-таша.
 11Мен исе къабаатсыз яшайым;
къуртар мени ве мерамет эйле.
 12Меним аякъларым тегиз ёлда тура;
адамлар топлашкъан ерлерде РАББИни алгъышлайым!
Copyright information for CrhCTB