Psalms 42
Къувулгъан адамнынъ дувасы
1 aЭй, Алла, меним давамны чез!Алласыз халкънен давамда меним тарафымны тут!
Яланджы ве инсафсыз адамдан мени къорчала!
2 bСен, Алла, – меним къалемсинъ;
не ичюн мени ред эттинъ?
Не ичюн мен душманларымнынъ зулумы астында
гъам чекип юрем?
3 cОзь ярыгъынъны ве акъикъатынъны ёлла,
олар манъа ёл косьтерсин.
Олар мени Сенинъ азиз дагъынъа,
Сен яшагъан ерлеринъе алып барсынлар.
4О вакъыт мен Алланынъ къурбан ерине,
мени чокъ къувандыргъан Аллама бараджагъым.
Санъа сантыр чаладжагъым,
эй, Алла, меним Аллам!
5 dЭй, джаным, не ичюн бойле тюшкюнсинъ?
Не ичюн ичимде сыкъыласынъ?
Аллагъа умют багъла!
Мен Онъа даа шукюр этеджегим;
О, меним Къуртарыджым ве Аллам!
Copyright information for
CrhCTB