e Збр 88.19
Psalms 46
Алла – бутюн дюньянынъ Падишасы!
1Баш чалгъыджы ичюн. Къорах огъулларынынъ зебуры.2 aЭй, бутюн халкълар, Аллагъа эль чырпынъыз,
къуванчлы сеснен Аллагъа къычырынъыз!
3 bЮдже РАББИ къоркъунчлыдыр,
бутюн ер юзюнде О – улу Падиша!
4 cО, бизге халкъларны бойсундырды,
къабилелерни аягъымыз астына ташлады.
5О, бизге гузель топракъны сайлады,
севген къулу Якъупнынъ гузеллигини бизге берди.
Сэла
6Алла къуванчлы къычырувлар арасында юксельди;
РАББИ боруларнынъ сеслери арасында котерильди.
7Макътав йырларыны айтынъыз Аллагъа,
макътав йырланъыз!
Макътав йырларыны айтынъыз Падишамызгъа,
макътав йырланъыз!
8 dАлла – бутюн ер юзюнинъ Падишасыдыр;
усталыкънен Онъа макътав йырларыны айтынъыз!
9Алла халкъларнынъ Падишасы олды;
Алла мукъаддес тахтына отурды!
10 eХалкъларнынъ мырзалары топландылар,
Ибраимнинъ Алласынынъ халкъына къошулдылар,
чюнки ер юзюнинъ къалкъанлары Алланынъкидир!
О, юксек котерильгендир!
Copyright information for
CrhCTB