Psalms 51
Алланынъ махкемеси ве Алланынъ мерамети
1Баш чалгъыджы ичюн. Давутнынъ маскили. Эдомлы Доэг Шаулнынъ алдына барып:2 a«Давут Ахимелекнинъ эвине кирди», – деп онъа бильдирди.
3Эй, кучьлю адам, не ичюн яман ишлеринънен макътанасынъ?
Алланынъ буюк севгиси меннен эр вакъыт булуныр!
4 bСенинъ тилинъ олюм кетирмеге ниетлене,
о, – кескин устра киби, сенинъ ичинъ къара.
5Сен яхшылыкътан зияде яманлыкъны,
керчектен зияде яланны севесинъ.
Сэла
6Эй, сен, хиянет тиль,
олюм лафларыны пек севесинъ!
7 cАлла Озю сени эбедиен ёкъ этеджек,
сени булунгъан еринъден къувып айыраджакъ,
тирилер топрагъындан сенинъ тамырынъны чыкъараджакъ.
Сэла
8 dИнсафлылар буны корип, къоркъаджакълар,
онынъ устюнден кулип, дейджеклер:
9 e«Бакъынъыз, бу адам Аллагъа сыгъынмады,
амма зенгинлигининъ чокълугъына ишанды,
озь яманлыгъында кучь топлады!»
10 fМен исе Алланынъ Эвинде, ешерип тургъан зейтюн тереги киби,
Алланынъ буюк севгисине эбедиен ишанам.
11Бу шейлерни беджергенинъ ичюн,
Сени эбедиен шуретлейджегим.
Сенинъ Адынъа ишанаджагъым,
чюнки азизлеринънинъ огюнде
Сенинъ Адынъ эйидир!
Copyright information for
CrhCTB