Psalms 53
Душманлардан къорчалагъан дува
1 aБаш чалгъыджы ичюн. Телли чалгъы алетлеринде. Давутнынъ маскили.2Зифлилер Шаулнынъ алдына барып: «Давут бизим арамызда сакълана», – деген вакъытта Давут бу йырны язды.
3Эй, Алла, Адынъ иле мени къуртар,
къудретинъ иле мени догъру суд эт!
4Эй, Алла, дувамны динъле,
агъзымдан чыкъкъан сёзлериме къулакъ ас.
5 bЯбанджы адамлар манъа къаршы чыкъты,
мераметсиз адамлар джанымны алмагъа истей;
оларнынъ алдында Алла ёкъ.
Сэла
6Мына, Алла манъа ярдымджыдыр,
Рабби джаныма кучь бере.
7 cО, меним душманларымны яманлыкълары ичюн
мытлакъа джезалайджакъ.
Ишанчлы олып, оларны ёкъ эт!
8Санъа озь истегимнен къурбан чаладжагъым,
Адынъны шуретлейджегим, я РАББИ,
чюнки Сенинъ Адынъ эйидир!
9 dСен мени бутюн белялардан къуртардынъ,
ве козьлерим енъильген душманларымны корьди.
Copyright information for
CrhCTB