Psalms 61
Аллагъа умют этюв
1 aБаш чалгъыджы ичюн. Едутун ичюн. Давутнынъ зебуры.2Джаным ялынъыз Аллада раат ола,
О, мени къуртараджакъ.
3 bТек О, меним къаям, къуртулышым,
Одыр меним къалем, энди мен ич тепренмем.
4Эпинъиз даа не къадар адамны басаджакъсынъыз?
Эгильген дивар, салланып къалгъан къора киби,
сиз эпинъиз ерге йыкъыладжакъсынъыз.
5 cОны юкъарыдан тюшюрмеге истедилер,
ялан лафларны ортагъа къойдылар.
Оларнынъ агъзындан хайыр дувасы тёкюле,
лякин юреклеринде олар лянетлер окъуйлар.
Сэла
6Эй, джаным, ялынъыз Аллада раат ол,
чюнки Ондадыр меним умютим.
7Тек О, меним къаям, къуртулышым,
Одыр меним къалем, энди мен ич тепренмем.
8Къуртулышым ве шуретим Алладан келир;
Алла – къудретли къаям, меним сакълангъан ерим.
9Эй, халкъым, эр вакъыт Онъа ишан,
Онынъ алдында юреклеринъизни ачынъыз,
чюнки Алла – бизим сыгъынагъымыз.
Сэла
10 dАдам огъуллары уфюрген ельге ошай,
акъай огъуллары – эписи ялан.
Олар теразеде чекильсе,
джумлеси эскен ельден де енгиль чыкъаджакълар.
11 eАйдутлыкъкъа ишанманъыз,
хырсызлыкънен ич макътанманъыз.
Байлыгъынъыз артса биле, онъа юрек багъламанъыз!
12 fАлла бир кере айтты,
мен шуны эки кере эшиттим:
«Алла къудретлидир!»
13 gСевги де Сенден келир, я Рабби,
Сен эр кеснинъ япкъанына коре акъкъыны берерсинъ.
Copyright information for
CrhCTB