a 1 Пад 23.14; 2 Пад 16.14; 17.2, 29
b Збр 41.2; 142.6; Еш 26.9
c Збр 35.8
d Збр 103.33
e Збр 41.9; 149.5; Фаал 16.25
f Рут 2.12; Збр 16.8
g Сай 16.32-33
h Текр 6.13; Эюп 5.16; Збр 106.42

‏ Psalms 62

Алланен булунмагъа истеги

1 aДавутнынъ зебуры. Давут Ехуда сахрасында олгъан вакъытта язылгъан йыр.
 2 bЭй, Алла, Сен меним Алламсынъ,
танъ аткъанынен Сени къыдырам.
Джаным Сени истей;
къуру, бош, сувсуз топракъларда
беденим Сени беклеп къыйнала.
 3Мукъаддес булунгъан еринъде Сени корьгеним киби,
къудретинъ ве шуретинъни корьмеге истейим.
 4 cСенинъ севгинъ аяттан гузельдир,
меним дудакъларым Сени макътайджакъ.
 5 dОмрюм боюнджа Санъа шукюр этеджегим,
къолларымны Сенинъ Адынънен юкъарыгъа котереджегим.
 6Ич ягъы ве зейтюн ягъынен джаным тойгъаны киби,
агъзым ве дудакъларым къуванчнен Сени макътай.
 7 eЯткъанымда Сени акъылдан чыкъармайым,
геджелери Сени тюшюнем.
 8 fКъанатларынъ кольгесинде къуванаджагъым,
чюнки Сен манъа ярдымджы олдынъ.
 9Джаным Санъа япышты,
Сенинъ онъ къолунъ мени къатты тута.
 10 gАмма джанымны ёкъ этмеге истеген адамлар
ернинъ теренлигине тюшип кетсинлер.
 11Олар къылычтан олюм кореджеклер,
кийик копеклерге аш оладжакълар.
 12 hПадиша исе Аллагъа къуванаджакъ.
Алланынъ Адынен ант эткен эр кес макътавгъа огърайджакъ,
чюнки яланджыларнынъ агъызлары къапаладжакъ!
Copyright information for CrhCTB