Psalms 63
Гизли душманлардан къорчалагъан дува
1Баш чалгъыджы ичюн. Давутнынъ зебуры.2 aЭй, Алла, дува окъугъанымда, сесимни эшит,
душман къоркъусындан джанымны сакъла!
3 bХиянет адамларнынъ фитнесинден,
яман адамларнынъ белясындан мени къорчала!
4 cОлар тиллерини, къылыч киби, къайрайлар,
аджджы сёзлери, атыладжакъ окъ киби, азыр.
5 dСаф юрекли адамны гизлиден беклеп,
ич къоркъмайып, апансыздан онъа окъ аталар.
6 eОлар къара ниетлеринде къатты туралар,
къапкъанларыны сакъламакъ ичюн анълашып:
«Ишимизни ким кореджек?» – дейлер.
7Олар яманлыкъны тюшюнелер,
яхшы азырлангъан ишни битирелер.
Адамнынъ ичи ве юреги терен ериндедир.
8 fАмма Алла оларгъа окъ атып,
апансыздан оларны яралайджакъ.
9 gОзь тиллеринен озьлерини ураджакълар,
оларны корьгенлер эписи къачаджакъ.
10Бутюн адамларны къоркъу басаджакъ,
олар Алланынъ ишини айтып береджек,
Алланынъ япкъанлары акъкъында тюшюнеджеклер.
11 hИнсафлылар РАББИден къуваныр
ве Онъа умют багъларлар;
бутюн догъру юреклилер Оны макътайджакълар!
Copyright information for
CrhCTB