e Збр 21.28
Psalms 64
Коклернинъ ве ернинъ бахшышлары ичюн тешеккюр
1Баш чалгъыджы ичюн. Давутнынъ зебуры. Йыр.2 aЭй, Алла, макътавлар Сени Сион дагъында беклей.
Санъа берильген адакълар беджериледжек.
3 bСен дуваны эшитесинъ,
бутюн инсанлар Санъа келеджек.
4 cГуналы ишлер мени енъелер,
амма Сен къабаатларымызны багъышларсынъ.
5 dСен сайлагъан ве Озюнъе чеккен адам,
Сенинъ азбарларынъда яшайджакъ адам
не де бахтлыдыр!
Биз Сенинъ Эвинънинъ,
Мукъаддес Сарайынънынъ яхшылыгъындан тояджакъмыз.
6 eЭй, Алла, бизим Къуртарыджымыз,
догъру укюм чыкъаргъанда, Сен къоркъунчлысынъ,
Сен бизге джевап бересинъ.
Ернинъ бутюн четлеринде,
узакъ денъизлерде олгъанлар биле
Санъа ишаналар.
7Озь кучюнънен дагъларны къойгъансынъ,
батырлыкъны белинъе саргъансынъ.
8 fСен денъизлернинъ давушыны,
далгъаларнынъ шувулдысыны,
халкъларнынъ исьяныны токътатасынъ.
9Ер юзюнинъ башкъа тарафында яшагъанлар
Сенинъ япкъанларынъны корип къоркъаджакълар.
Сен кунь догъгъан ве кунь баткъан ерлерни де
Озь шуретинъе кетиреджексинъ.
10 gСен ерни зиярет этип, оны сувгъа тойдурасынъ
ве оны зенгинлештиресинъ.
Алланынъ дерьясы сувгъа толып таша.
Сен ашлыкъ азырлайсынъ,
чюнки ер юзюни ойле яраткъансынъ.
11Сабан ачкъан ёлакъларны сувгъа толдурып,
топракъ кесеклерини Озюнъ парлайсынъ.
Топракъны ягъмур тамчыларынен йымшатып,
осюмликлерге берекет бересинъ.
12Йылны берекетнен яраштырасынъ,
Сенинъ излеринъден ягъ акъа.
13 hЧёльдеки отлакълар ешерелер,
къырлар чечеклернен гузеллешелер.
14Отлакъларгъа сюрюлер чыкъа,
вадийлер богъдайгъа тола,
олар къувангъанындан къычырып,
йыр йырлайлар.
Copyright information for
CrhCTB