a Збр 10.1; 30.16; 63.11
b Эюп 10.16
c 1 Пад 24.8; 26.9; Збр 54.21
e Еш 33.10
f Збр 25.1; 34.24; 42.1
g Эюп 23.10; Збр 10.5
h Баш 15.1
i Нах 1.5
j Текр 32.23, 41
k Збр 20.13; 63.8
l Эюп 15.35; Еш 59.4; Якъ 1.15
m Эст 7.9; Икм 11.5; 26.27; 28.10; Джем 10.8; Дан 6.24
n Збр 9.3

‏ Psalms 7

Догърулыкъ акъкъында дува

1Шиггайон. Давут бу йырны РАББИге Биньямин къабилесинден олгъан Хуш акъкъында йырлады.
 2 aМен Санъа ишанам, Аллам, я РАББИ!
Мени эписи къувалагъанлардан къуртар ве къорчала мени!
 3 bАкис алда олар, арслан киби, джанымны йыртып парчалайджакълар,
ве кимсе мени къуртармайджакъ.
 4Аллам, я РАББИ,
эгер мен бирде-бир яман шейни япкъан олсам,
эгер къолларымда акъсызлыкъ олса,
 5 cэгер меннен муаббетте яшагъан адамгъа яманлыкъ япкъан олсам,
эгер мен себепсиз озюмнинъ душманымны чайпагъан олсам ▼
▼Даа бойле терджиме этмеге мумкюн: «мен исе, манъа себепсиз душман олгъанны биле къуртаргъаным».
,
 6о вакъыт душман меним джанымны къувалап етишсин,
омрюмни ерге таптасын, шуретимни топракъкъа атсын.

Сэла
 7Тур, я РАББИ, гъазабынъны косьтер!
Къутургъан душманларымнынъ къаршысына чыкъ!
Уян, Аллам!
Сен энди къарар чыкъардынъ!
 8 eХалкълар Сенинъ этрафынъда топлансынлар,
оларны юксектен идаре этмек ичюн, къайтып кель!
 9 fРАББИ халкъларны адалетнен суд эте!
Догърулыгъымны ве къабаатсызлыгъымны эсапкъа алып,
мени де суд эт, я РАББИ!
 10 gЯрамайларнынъ яманлыгъы токътап къалсын,
инсафлыгъа исе кучь бер, эй, адиль Алла,
Сен юреклернен акъылларны сынавдан кечиресинъ!
 11 hАллам – мени къорчалагъан къалкъаным,
темиз юреклилерни О, къуртара.
 12 iАлла адалетли суд эте.
О, эр кунь адамларны къатты соравгъа чеке.
 13 jАдамлар гуна ёлундан къайтмасалар,
О, къылычыны чыкъарыр,
яйыны котерип, оларны нишангъа алыр.
 14 kОкъларыны алевлендирип,
О, эджель силясыны азырлар.
 15 lМына, яманлыкънен юклю олгъан адам
белягъа толур ве дюньягъа яланны кетирир.
 16 mЧукъур къазгъан адам да
къазгъан чукъурына озю тюшер.
 17Онынъ белясы озюнинъ башына келеджек,
онынъ зулумлыгъы озюнинъ тёпесине тюшеджек.
 18 nРАББИге Онынъ догърулыгъы ичюн шукюр этерим,
Юдже РАББИнинъ Адына йыр йырларым!
Copyright information for CrhCTB