k Збр 101.21
Psalms 78
Исраильнинъ къуртулышы ичюн окъулгъан дува
Асафнынъ зебуры.
1 aЭй, Алла, халкълар Сенинъ мирасынъны басып алдылар,Мукъаддес Сарайынъны арам эттилер,
Ерусалимни харабеге чевирдилер.
2 bКъулларынънынъ джесетлерини ем ичюн кок къушларына,
азизлеринънинъ этини ер юзюнинъ кийик айванларына бердилер.
3 cЕрусалимнинъ этрафында оларнынъ къаныны сув киби тёктилер,
оларны дефн этмеге ич бир адам къалмады.
4 dКъомшуларымыз бизни масхара этелер,
этрафымыздакилер бизни мыскъыллайлар ве акъарет этелер.
5 eЯ РАББИ, не вакъыткъадже токътамайып ачувланаджакъсынъ?
Не вакъыткъадже куньджюлигинъ янаджакъ?
6 fСени танымагъан халкъларнынъ устюне,
Адынъны чагъырмагъан падишалыкъларгъа гъазабынъны тёк.
7 gОлар Якъупны ашап юттылар,
онынъ юртуны виран эттилер.
8 hБабаларымызнынъ гуналарыны бизге хатырлатма,
якъында шефкъатынъ бизим тарафымызгъа айлансын,
чюнки биз пек зайыфлаштыкъ.
9 iЭй, Алла, Къуртарыджымыз,
Намынъ шуретли олсун деп, бизге ярдым эт,
Озь Адынънынъ хатири ичюн бизни къуртар,
гуналарымызны багъышла!
10 jНе ичюн башкъа халкълар:
«Оларнынъ Алласы къайда?» – десин?
Къулларынънынъ тёкюльген къанлары ичюн Сен очь алырсынъ;
халкъларнынъ арасында шу шей белли олсун,
оны козьлеримиз де корьсюн!
11 kЭсирлернинъ инъильтиси Сенинъ къулагъынъа етсин;
олюмге суд этильген адамларны
буюк къудретинънен сакъла!
12 lЯ Рабби, къомшуларымызнынъ Санъа япкъан акъаретлерини
еди кере чокълаштырып, озьлерининъ ичлерине къайтар!
13 mСенинъ халкъынъ ве отлагъынънынъ къойлары олып исе,
бизлер Сени эбедиен шуретлейджекмиз,
несильден несильге Сени макътайджакъмыз!
Copyright information for
CrhCTB