Psalms 79
Исраильнинъ гъайрыдан тикленюви ичюн дува
1 aБаш чалгъыджы ичюн. «Шошаним-эдут» авасында. Асафнынъ зебуры.2 bЭй, Исраильнинъ Чобаны, динъле!
Озюнъни косьтер, эй, Юсуфны сюрю киби етеклеген,
Керувлар устюнде отургъан Алла!
3 cЭфраим, Биньямин, Менашше эвлятларынынъ алдында
Озь къудретинъни косьтер,
бизни къуртармагъа кель!
4 dЭй, Алла, бизни Озюнъе къайтар,
Сенинъ юзюнъ парылдасын,
сонъ бизлер къуртулырмыз!
5 eОрдуларнынъ РАББИ-Таалясы,
не вакъыткъадже халкъынънынъ дуваларына ачувланаджакъсынъ?
6 fСен оларгъа козьяшлы отьмек ашаттынъ,
къаде-къаде козьяшыны ичирдинъ.
7Къомшуларымызнынъ бизнен талашкъанына себеп олдынъ,
душманларымыз бизни мыскъыллай.
8 gЭй, Ордуларнынъ Алласы,
бизни Озюнъе къайтар,
Сенинъ юзюнъ парылдасын,
сонъ бизлер къуртулырмыз!
9 hМысырдан юзюм чубугъыны кетирдинъ,
халкъларны къувып, оны сачтынъ.
10О ичюн ер азырлагъан эдинъ,
о да терен тамыр атып, бутюн ерни къаплады.
11Дагълар онынъ кольгесининъ тюбюнде къалды,
онынъ пытакълары Алланынъ кедр тереклери киби.
12 iОнынъ пытакълары денъизге къадар,
филислери исе дерьягъа ▼
▼Денъизге; дерьягъа – Акъ денъиз ве Фират дерьясы акъкъында айтыладыр.
етти.13 kНе ичюн Сен онынъ диварларыны боздынъ?
Кечкен-кеткен эр бир ордулар онынъ юзюмини къопара.
14Кийик домузлар онынъ тамырыны кемире,
тарла айванлары да оны ашай.
15 lЭй, Ордуларнынъ Алласы, бизге къайтып кельсе!
Коктен бакъып, алымызны корь,
шу багъны сакъла!
16Онъ къолунънен сачкъан чубукъны,
Озюнъ ичюн пекиткен пытакъны къорчала!
17 mМына, оны кесип, атешке ташлайлар,
олар Сенинъ гъазабынъдан ёкъ оладжакъ!
18Элинъ онъ къолунъ олгъан акъайнынъ устюнде,
Озюнъ ичюн пекиткен инсан огълунынъ устюнде олсун!
19Биз энди Сенден юзь чевирмемиз,
джанландыр бизни, ве биз Сенинъ Адынъны чагъырырмыз.
20 nОрдуларнынъ РАББИ-Таалясы,
бизни Озюнъе къайтар,
Сенинъ юзюнъ парылдасын,
сонъ бизлер къуртулырмыз!
Copyright information for
CrhCTB