Psalms 83
Раббининъ Эвинде олмагъа истек
1 aБаш чалгъыджы ичюн. Аль-хаггиттит. Къорах огъулларынынъ зебуры.2Ордуларнынъ РАББИси,
Сенинъ мескенлеринъ не къадар гузельдир!
3 bРАББИнинъ азбарларыны сагъынып, джаным тарсыкъа,
юрегим, беденим Тири Аллагъа къуванчнен къычыра!
4 cСенинъ къурбан ерлеринъ янында
къушчыкъ биле озюне ер
ве къарылгъач балалары ичюн юва тапа,
Ордуларнынъ РАББИси, меним Падишам ве Аллам!
5 dНе де бахтлыдыр Сенинъ эвинъде яшагъанлар!
Олар токътамайып Сени макътайджакълар!
Сэла
6 eНе де бахтлыдыр кучюни Сенде тапкъан,
юрек сокъакълары Сенинъ тарафынъа бакъкъанлар!
7Агълав вадийинден ▼
▼Агълав вадийи – къ. еуд. «Бака вадийи» демектир. Ерусалимге кеткен ёлджуларнынъ огюне расткельген къуру вадийдир.
кечкенде,анда чешмелерни ачар,
ягъмур анда ягъып, берекет берер.
8Оларнынъ кучюне кучь къошулыр,
Сионда Алланынъ огюнде олар корюнир!
9Ордуларнынъ РАББИ-Таалясы,
меним дувамны динъле!
Къулакъ ас, эй, Якъупнынъ Алласы!
Сэла
10 gЭй, Алла, бизим Къалкъанымызгъа бакъ,
Месихинънинъ бетини корь!
11Сарайынънынъ азбарында кечкен бир кунь
башкъа бинъ куньден яхшыдыр!
Ярамайларнынъ чадырларында яшагъанымдан
Алла Сарайынынъ босагъасы янында тургъаным яхшыдыр!
12 hРАББИ-Тааля – кунеш ве къалкъандыр;
хайыр ве шуретни РАББИ багъышлар,
къабаатсыз ёлларнен юргенлерден О, эйиликни айырмаз!
13 iОрдуларнынъ РАББИси,
не де бахтлыдыр Санъа ишангъан инсан!
Copyright information for
CrhCTB