a 3 Пад 4.31; 1 Тар 2.6
b Збр 21.3; Лк 18.7
c Збр 15.10
d Збр 27.1; 142.7; Икм 1.12
e Еш 26.14
f Эюп 10.21-22; Збр 142.3; Агъл 3.6
g Збр 41.7-8
h Эюп 19.13; 30.10; Збр 30.12
i Збр 6.6; Еш 38.18
j Эюп 10.21-22; Джем 9.5
k Збр 5.4
l Эюп 6.4
m Збр 21.17
n Эюп 19.13-14; Збр 37.12

‏ Psalms 87

Аджыныкълы ярдым сорав

1 aЙыр. Къорах огъулларынынъ зебуры. Баш чалгъыджы ичюн. Аль-махалат леаннот. Эзрахлы Хеманнынъ маскили.
 2 bЯ РАББИ, Алла-Къуртарыджым,
гедже-куньдюз Санъа фигъан къопарам.
 3Дувам алдынъа етип барсын,
меним фигъаныма къулакъ ас!
 4 cМусибетлерден джаным тойды,
олюлер дюньясына аятым якъынлашты.
 5 dМезаргъа кетеяткъанларнен бир олдым,
кучьтен кесильген адам киби олдым.
 6 eОлюлер арасына ташлангъаным,
мезарда яткъан джесетлер киби.
Сен оларны энди хатырламайсынъ,
олар тюшип кеткен къолунъдан.
 7 fСен мени энъ терен чукъургъа къойдынъ,
къаранлыкъ, тюпсюзлик ичине ташладынъ.
 8 gГъазабынъ устюме агъыр юк киби чёкти,
бутюн далгъаларынънен мени эзип ташладынъ.

Сэла
 9 hТанышларымны менден узакълаштырдынъ,
мени олар ичюн игренч яптынъ;
мен къапалдым, чыкъып оламайым.
 10Яныкътан козьлерим зайыфлашты.
Я РАББИ, Сени бутюн кунь чагъыра эдим,
къолларымны Санъа таба узаттым.
 11 iОлюлерге аджайип шей косьтереджексинъми?
Олюлернинъ рухлары турып, Сени шуретлейджеклерми?

Сэла
 12Мезарда Сенинъ севгинъ илян этилирми?
Сенинъ садакъатынъ олюм еринде олурмы?
 13 jКъаранлыкъта Сенинъ аджайип ишлеринъни,
унутылгъан дюньяда Сенинъ догърулыгъынъны биледжеклерми?
 14 kАмма мен Сенден ярдым истейим, я РАББИ,
саба эрте дувам Сени къаршылай.
 15Я РАББИ, не ичюн джанымны ред этесинъ?
Не себептен менден юзь чевиресинъ?
 16Мен гъарип, яшлыгъымдан башлап сёнем,
Сенинъ дешетли шейлеринъни чектим, умют джойдым.
 17 lГъазабынъ меним башыма тюшти,
Сенинъ къоркъузгъанынъ мени йыкътырды.
 18 mСув киби олар мени эр кунь саралар,
эписи мени алкъагъа алалар.
 19 nСевгилилеримни ве достларымны Сен менден узакълаштырдынъ,
меним танышларым къаранлыкъта.
Copyright information for CrhCTB