Psalms 89
Мусанынъ йыры
1 aАлланынъ адамы Мусанынъ дувасы.2 bЯ РАББИ, Сен бутюн несиллеримизге сыгъынакъ эдинъ.
3 cДагълар пейда олмаздан эвель,
ер ве дюньяны яратмаздан эвель,
асырлардан асырларгъа Сен Алласынъ!
4 dСен адамны топракъкъа къайтарасынъ,
«Эй, инсан огъуллары, къайтынъыз!» – дейсинъ.
5 eМына, Сенинъ козюнъ огюнде бинъ йыл
кечип кеткен тюневин киби,
бир гедже парчасы киби.
6 fАдамларны сув ташкъыны киби алып кетесинъ,
олар тюш киби, саба оськен откъа ошайлар.
Саба отлар гуль ачып ешерир,
акъшам исе солып, къуруп кетер.
7Сенинъ гъазабынъдан биз ёкъ олаятамыз,
Сенинъ ачувынъдан биз шашмалаймыз.
8 gСен гуналарымызны къаршынъа къойдынъ,
гизли ишлеримизни юзюнънинъ ярыгъына чыкъарып къойдынъ.
9Бутюн куньлеримиз Сенинъ гъазабынъ астында кече,
йылларымыз инъильтинен бите.
10 hОмрюмизнинъ муддети етмиш йыл экен,
пек сагълам олсакъ – сексен.
Энъ гузель йыллар да замет ве беляда кече.
Олар тез кече, ве биз учып кетемиз!
11Ким гъазабынънынъ кучюни,
Сенден къоркъусына ляйыкъ Сенинъ ачувынъны ким билир?
12 iКуньлеримизни саймагъа бизни огрет,
ве бизим юрегимиз икметли олур.
13Къайт бизге, я РАББИ, не къадар мумкюн?
Къулларынъны аджы!
14Саба бизни буюк севгинъе тойдур,
ве биз бутюн омрюмиз севинчнен къычырып къуванырмыз!
15Сен бизни джезалагъан куньлеримизге коре,
беля корьген йылларымызгъа коре
энди къувандыр бизни!
16Къулларынъа улу ишлеринъни,
оларнынъ огъулларына – шан-шуретинъни косьтер!
17 jРабби-Таалямызнынъ разылыгъы бизнен олсун!
Къолларымызгъа О, берекет берсин,
къолларымызнынъ ишлери онъ кельсин!
Copyright information for
CrhCTB