a Збр 31.7; 120.5
b Збр 17.3
c Збр 123.7; Икм 6.5
d Збр 16.8; 35.5
e Эюп 5.19-23; Икм 3.23, 25; Йыр 3.8
f Збр 36.34; 91.12; Икм 29.16
g Текр 33.27; Збр 17.3
h Икм 12.21
i Икм 3.23; Мт 4.6; Лк 4.10-11
j Мк 16.18; Лк 10.19
k Збр 9.11; 21.8-9; Икм 8.17
l Эюп 12.4; Йрм 33.3
m Збр 20.5

‏ Psalms 90

Юдже Алланынъ дамы астында

1 aЮдже Алланынъ сыгъынагъында яшагъан адам
Къудретли Алланынъ кольгесинде раатланыр!
 2 bО, РАББИге айта:
«О, меним сыгъынагъым ве къалем,
О, меним Аллам; умютим Онда!»
 3 cО, сени авджы тузагъындан,
ольдюриджи хасталыгъындан къуртарыр,
 4 dОзь къанатларынен сени япар,
къанатлары астында хавфсыз алда олурсынъ;
Онынъ акъикъаты санъа къалкъан ве къора олур!
 5 eНе гедженинъ дешетинден,
не куньдюз учкъан окътан къоркъарсынъ,
 6не къаранлыкъта кезген вебадан,
не де уйледе къыргъан юкъма хасталыгъындан.
 7Сенинъ янынъда бинъ адам йыкъылып,
он бинъ адам онъ тарафынъда къырылса да,
беля санъа якъынлашып оламаз.
 8 fСен тек козьлеринънен бакъып,
ярамайларгъа берильген джезаны кореджексинъ.
 9 gСен: «РАББИ – сыгъынагъым», – дегенинъ,
Юдже Алланы мескен деп сайлагъанынъ ичюн,
 10 hбашынъа бирде-бир беля тюшмез,
чадырынъа веба якъынлашмаз.
 11О, сенинъ акъкъынъда Озь мелеклерине эмир этер,
ве олар бутюн ёлларынъда сени къорчалар.
 12 iОлар сени къолларында котерип кетерлер,
аякъларынъ ташкъа сюрюнмез.
 13 jАрслан баласы ве зеэрли йыланларнынъ устюнден басып кечерсинъ,
арслан ве аждерханы эзип ташларсынъ.
 14 k«Мени севгени ичюн, оны къуртараджагъым;
Адымны бильгени ичюн, оны къорчалайджагъым.
 15 lМени чагъыргъанда, оны эшитеджегим,
къайгъылы кунюнде онен оладжагъым,
оны къуртарып, шуретлейджегим.
 16 mУзун омюрнен оны тойдураджагъым
ве онъа къуртарувымны косьтереджегим!»
Copyright information for CrhCTB