a Збр 92.1; 95.10; 98.1
b Чыкъ 19.9; 20.21; Збр 17.12; 88.15
c Збр 20.10
d Збр 76.19
e Ехо 3.11; Збр 67.3; Микъа 1.4; 4.13; Зек 4.14; 6.5; Нах 1.5
f Збр 18.2; 49.6
g Еш 42.17; Йрм 10.14; Еуд 1.6
h Збр 47.12
i 1 Пад 5.3; 2 Тар 2.5; Збр 85.8
j Збр 30.24; 36.28; Икм 8.13; Ам 5.15; Рим 12.9
k Збр 26.1; 111.4; Икм 4.18; Микъа 7.8
l Збр 31.11

‏ Psalms 96

Рабби – Падишадыр!

1 aРАББИ – Падишадыр!
Ер юзю къувансын,
чокъ адалар севинсин!
 2 bБулутлар ве къаранлыкъ – Онынъ этрафында,
догърулыкъ ве адалет – тахтынынъ темелидир!
 3 cОнынъ огюнде атеш юре,
этрафтаки душманларны якъып ташлай.
 4 dОнынъ яшынлары дюньяны ярыкълата,
ер юзю буны корип титрей.
 5 eРАББИнинъ огюнде,
бутюн ернинъ Эфендиси огюнде
дагълар балавуз киби ирип кете.
 6 fКоклер Онынъ догърулыгъыны бильдире,
Онынъ шуретини бутюн халкълар коре.
 7 gУтансын путларгъа хызмет эткенлер,
бош путларынен макътанып юргенлер!
Аллаларнынъ эписи, РАББИге ибадет этинъиз!
 8 hЯ РАББИ, Сенинъ къарарларынъны эшитип,
Сион къувана, Ехуданынъ шеэрлери севине.
 9 iЯ РАББИ, бутюн ер юзюнинъ энъ Юджеси Сенсинъ,
бутюн аллаларнынъ устюнден Сен юкъарысынъ!
 10 jЭй, РАББИни севгенлер, яманлыкътан нефретленинъиз!
Озь азизлерининъ джаныны О, сакълай,
ярамайларнынъ къолундан оларны къуртара.
 11 kИнсафлыларгъа нур сачыла,
догъру юреклилер къувана.
 12 lЭй, инсафлылар, РАББИге къуванынъыз,
Онынъ мукъаддес Адыны алгъышланъыз!
Copyright information for CrhCTB