Psalms 97
Алла дюньяда падишалыкъ япа
Зебур.
1 aРАББИге янъы бир йыр айтынъыз,чюнки О, аджайип шейлер япты!
Озюнинъ онъ къолу, мукъаддес къудрети
Онъа гъалебе кетирди!
2РАББИ Озь къуртарувыны косьтерди,
халкълар огюнде акъикъатыны ачты!
3 bИсраиль халкъына олгъан севгиси ве садыкълыгъыны эследи,
дюньянынъ дёрт тарафы Алланынъ къуртарувыны корьди!
4 cЭй, бутюн ер юзю, РАББИге къуванчнен сесинъизни юксельтинъиз,
севинчнен багъырынъыз ве чалгъы чалынъыз!
5РАББИ ичюн сантыр чалынъыз,
сантыр чалып, йырлар айтынъыз!
6 dБоразан ве бору чалып,
Падиша РАББИ огюнде къуванчнен къычырынъыз!
7 eГурьлесин денъиз ве ичиндекилер,
гурьлесин дюнья ве узериндекилер!
8 fРАББИнинъ алдында дерьялар шувулдасын,
дагълар да къошулып севинчнен багъырсын!
9 gО, ерни укюм этмеге келе.
О, дюньяны адалетнен,
халкъларны догърулыкънен укюм этеджек!
Copyright information for
CrhCTB