Psalms 98
Мукъаддес Аллагъа шукюр
1 aРАББИ – Падишадыр,титресин халкълар!
Керувлар устюнде отура О,
ер юзю къалтырасын!
2 bСионда РАББИ улудыр,
Юджедир О, бутюн халкълардан устюндир!
3Сенинъ улу ве къоркъунчлы Адынъны шуретлесинлер!
О – мукъаддестир!
4 cПадиша къудретлидир, О, адалет севе!
Сен догърулыкъны къургъансынъ,
Якъупнынъ союна адалет ве акъикъатны косьтергенсинъ.
5Юксельтинъиз Алламыз олгъан РАББИни,
Онынъ аякълары астына йыкъылып ибадет этинъиз!
О – мукъаддестир!
6 dОнынъ руханийлери арасында Муса ве Харун бар эди,
Смаил де Онынъ Адыны чагъыргъанлар ичинде эди.
Олар РАББИни чагъыргъанда,
О, оларны эшите эди.
7 eО, булут дирегинден оларнен субетлешти,
олар исе О берген шаатлыкъларны ве низамнамени сакълап туттылар.
8 fАлламыз олгъан РАББИ, Сен оларгъа джевап бердинъ.
Сен оларгъа багъышлайыджы Алла олдынъ,
лякин ишлери ичюн джезалайыджы да эдинъ.
9 gАлламыз олгъан РАББИни юксельтинъиз,
азиз дагъында Онъа ибадет этинъиз,
чюнки Алламыз олгъан РАББИ мукъаддестир!
Copyright information for
CrhCTB