Rev 12 | CrhCTB | STEP | Кокте аджайип бир алямет – кунешке сарылгъан бир къадын пейда олды. Онынъ аякълары астында ай ве башында он эки йылдызлы тадж бар эди.

‏ Revelation of John 12

Къадын ве аждерха

1 ^aКокте аджайип бир алямет – кунешке сарылгъан бир къадын пейда олды. Онынъ аякълары астында ай ве башында он эки йылдызлы тадж бар эди. 2 Къадын юклю эди, агърыдан къычыра ве чекишип бала догъа эди.

3 ^bСонъ кокте башкъа бир алямет корюнди: еди башлы, он бойнузлы, еди башына еди тадж кийген буюк къырмызы аждерха пейда олды. 4 ^cО, къуйругъынен коктеки йылдызларнынъ учьте бирини сыдырып, ерге ташлады. Сонъ аждерха догъаяткъан къадыннынъ огюнде турды, къадын догъгъанда, онынъ баласыны ютмагъа истеди. 5 ^dКъадын огъулны догъды. Онъа бутюн халкъларгъа демир таягъынен падишалыкъ япмагъа керек эди. Къадыннынъ баласы Алланынъ янына, Онынъ тахтына алынды. 6 ^eКъадын исе сахрагъа, Алла онъа азырлагъан ерге къачып кетти. О ерде о, 1 260 кунь бакъыладжакъ эди.

7 ^fКокте дженк олды. Микъаиль ве онынъ мелеклери аждерхагъа къаршы дженк эттилер. Аждерха озюнинъ мелеклеринен дженкке атылды. 8 Амма аждерха етерли дереджеде кучьлю дегиль эди, ве кокте оларгъа башкъа ер къалмады. 9 ^gБуюк аждерха, Иблис ве Шейтан адыны ташыгъан, бутюн дюньяны алдатып ёлдан ургъан къадимий йылан ер юзюне ташланды. Ер юзюне онынъ мелеклери де ташландылар. 10 ^hО вакъытта коктен кучьлю сеснен айтылгъан бу сёзлерни эшиттим: – Энди Алламызнынъ къуртарувы, къудрети ве падишалыгъы,
эм де Онынъ Месихининъ акимиети кельди.
Энди агъа-къардашларымызны къабаатлагъан,
Алламызнынъ огюнде оларны гедже-куньдюз яманлагъан бири котерип атылды.
11 ⁱОлар оны Къозунынъ къанынен ве Онынъ акъкъында хаберинен енъдилер.
Олар озь джанларыны аджымадылар ве ольмеге азыр олдылар.
12 ^jШимди къуванынъыз, эй, коклер ве анда яшагъанлар!
Амма ер ве денъизнинъ алы беля!
Шейтан алдынъызгъа тюшип, пек гъазапланды,
чюнки вакъыт аз къалгъаныны бильди.

13 Аждерха озюнинъ ер юзюне атылгъаныны корип, огълан бала догъгъан къадынны къувалап башлады. 14 ^kКъадынгъа буюк къарталнынъ эки къанаты берильди, ве о, озь ерине сахрагъа учып барды ве о ерде учь бучукъ йыл ^{▼▼Къ. юн. сёзю-сёзюне «заман, заманлар ве яры заман» демектир.} йыландан сакъланып бакъыла эди. 15 Йылан исе, оны сувлар алып кетсин деп, къадыннынъ артындан озь агъзындан озен киби сув тёкти. 16 Амма ер къадынгъа ярдым этти; ер агъзыны ачып, аждерха озь агъзындан тёккен озенни ютты. 17 ^mАждерха къадынгъа къаршы гъазапланды. О, къадыннынъ сагъ къалгъан башкъа балаларынен, Алланынъ эмирлерини беджерген ве Иса Месих акъкъында хаберни даркъаткъанларнен дженк этип башлады.