a Збр 78.6; Йрм 10.25; Сыр 15.1
b Чыкъ 9.9-11; Сыр 13.16
c Сыр 8.8-9
d Чыкъ 7.17-20
eЙрм 12.1; Сыр 1.4; 11.17
f Еш 49.26; Мт 23.35; Сыр 18.24
g Сыр 6.9
hДан 5.23; Фаал 12.23
i Чыкъ 10.21-22; Сыр 13.2
j Еш 11.15; 44.27; Сыр 9.14
kСыр 12.3; 13.11
lМк 13.22; Сыр 13.13
m Мт 24.43-44; 2 Пётр 3.10; 1 Тес 5.2; Сыр 3.3, 18
n Ехез 38.19; Дан 12.1; Ам 1.1; Хагъ 2.6; Мк 13.19
oСыр 14.10
pСыр 6.14
qЧыкъ 9.23-25; Ехо 10.11; Еш 30.30; Сыр 11.19

‏ Revelation of John 16

Алланынъ гъазабынен толу еди пиала

1 aСонъ Алланынъ Сарайындан еди мелекке:

– Барынъыз, Алланынъ гъазабына толу еди пиаланы ер юзюне тёкюнъиз, – деген кучьлю бир сесни эшиттим.

2 bБиринджи мелек барып, озь пиаласыны ерге тёкти. Озюнде айваннынъ тамгъасы олгъан ве онынъ путуна ибадет эткен адамларда дешетли, игренч иринли яралар пейда олды.

3 cЭкинджи мелек озь пиаласыны денъизге тёкти. Денъиз олюнинъ къанына ошагъан бир тюсте олды, ве денъиз ичиндеки бутюн джанлылар ольди.

4 dУчюнджи мелек озь пиаласыны озенлерге ве сув чокъракъларына тёкти, ве олар къангъа айланды. 5 eСувларгъа буюргъан мелекнинъ бойле дегенини эшиттим: – Я Рабби, Сен адалетлисинъ!
Сен шимди барсынъ, эвельден олгъансынъ!
Бойле джеза бергенинъде, Сен Мукъаддессинъ!
 6 fАзизлернинъ ве пейгъамберлернинъ къаныны тёккенлери ичюн,
Сен оларгъа къан ичирдинъ, оларгъа шай да керек!

7 gКъурбан еринден чыкъкъан бир сес бойле дегенини эшиттим: – Эбет, Рабби-Тааля, Къудретли Алла!
Сен догъру ве адалетли суд эттинъ!

8Дёртюнджи мелек озь пиаласыны кунеш устюне тёкти, ве кунешке адамларны атешнен якъмакъ къудрети берильди. 9 hКъоркъунчлы сыджакъ адамларны якъып башлады, ве олар бу беляларны ёллагъан Алланынъ Адыны яманлап башлады. Тёвбе этмейип, олар Алланы шуретлемеди.

10 iБешинджи мелек озь пиаласыны айваннынъ тахтына тёкти, ве айваннынъ падишалыгъы къаранлыкънен къапланды. Адамлар чекишип, тиллерини тишледилер. 11Азап ве яраларындан къыйналып, адамлар коктеки Алланы яманлай эдилер, лякин япкъанларына тёвбе этмей эдилер.

12 jАлтынджы мелек озь пиаласыны буюк Фират дерьясына тёкти. Куньдогъуштаки падишаларгъа ёл ачылсын деп, дерьянынъ суву къуруды. 13 kОндан сонъ аждерханынъ агъзындан, айваннынъ агъзындан ве ялан пейгъамбернинъ агъзындан чыкъаяткъан, бакъагъа ошагъан учь арам рухны корьдим. 14 lОлар – аджайип ишлер япа бильген шейтан рухларыдыр. Олар бутюн дюнья падишаларыны топламакъ ичюн чыкътылар ве оларны Къудретли Алланынъ азиз кунюнде оладжакъ дженкке топладылар. 15 m– Мына, Мен, хырсыз киби, апансыздан келем!
Не де бахтлыдыр уяныкъ олгъан адам!
Эгер о, урбасыны сакълап турса,
чыплакъ юрмейджек, айып ерлери корюнмейджек.

16Рухлар падишаларны еудий тилинде Армагедон деген ерге топладылар.

17Единджи мелек озь пиаласыны авагъа тёкти. Алланынъ Сарайындаки тахттан:

– Эр шей ерине кельди! – деген кучьлю бир сес чыкъты.

18 nО вакъыт яшынлар яшнады, сеслер янъгъырады, кок гудюрдеди, ве бир кучьлю зельзеле олды. Бу къадар кучьлю зельзеле адамлар ер юзюнде яшагъандан берли олмагъан эди. 19 oБуюк шеэр учь къысымгъа болюнди. Миллетлернинъ шеэрлери ёкъ этильди. Алла буюк Вавилон шеэрини унутмагъан; О, онынъ башына Озь дешетли гъазабыны, шарапкъа толу къадесини киби, тёкти. 20 pБутюн адалар ёкъ олды, ве дагълар тегизликке чевирильди. 21 qО вакъыт коктен адамларнынъ устюне ири бурчакъ, балабан ташлар ▼
▼Балабан ташлар – къ. юн. сёзю-сёзюне «бир талантон агъырлыгъында» демектир.
 киби, ягъды. Адамлар бурчакъ белясындан Алланы яманлап башладылар, чюнки бу беля пек къоркъунчлы эди.
Copyright information for CrhCTB