a Сыр 1.13, 16
b 2 Кор 11.13; 1 Юх 4.1
cЙрм 2.2
d Баш 2.9; 3.22; Ехез 28.13; Мт 11.15; Мк 4.9; Лк 8.8; 23.43; 2 Кор 12.4; Сыр 3.5, 6, 13, 22; 13.9; 21.7; 22.2
e Сыр 1.17-18
f Якъ 2.5; 2 Кор 8.9; Сыр 3.9
gЯкъ 1.12; Сыр 3.11; 12.11
h Сыр 2.7; 20.6; 21.8
i Сыр 1.16
jСай 22.5; 25.1-2; 31.16; Фаал 15.29; 1 Кор 8.10; 10.19; 2 Пётр 2.15
kСыр 2.6
lЕш 11.4; 2 Тес 2.8
m Чыкъ 16.31; Еш 62.2; 65.15; Юх 6.48-50; Сыр 2.7; 3.12; 19.12
n Сыр 1.14-15
o3 Пад 16.31; 21.25; Сыр 2.14
p 2 Пётр 3.9, 15
q1 Пад 16.7; Йрм 11.20; 20.12; Мт 16.27
rСыр 3.11
sСай 24.17; Збр 2.9; Сыр 12.5; 19.15; 22.16
t Сыр 2.7

‏ Revelation of John 2

Эфес шеэриндеки иманлыларгъа мектюп

1 aЭфестеки иманлылар джемиетининъ мелегине яз:

«Еди йылдызны онъ къолунда Туткъан, еди алтын лампат таягъы ортасында Юрген бойле дей:

2 bСенинъ ишлеринъ, эмегинъ ве сабырынъны билем, яман адамларгъа къатланмагъанынъны да билем. Эльчи олмагъан, лякин озьлерине эльчи дегенлерни сен сынадынъ ве олар яланджы олгъанларыны ачтынъ. 3Сен чокъ сабырлысынъ. Меним Адым ичюн башынъдан чокъ шей кечирдинъ ве болдурмадынъ. 4 cАмма санъа къаршы бойле айтам: сен Мени ве башкъаларны эвельден севгенинъ киби севмейсинъ. 5Не къадар алчакъ тюшкенинъни тюшюн! Тёвбе эт ве эвельки ишлеринъни яп. Буны япмасанъ, тёвбе этмесенъ, тезден сенинъ янынъа келип, лампат таягъынъны еринден алып ташларым. 6Лякин сенинъ яхшы тарафынъ бар: Николай тарафдарларынынъ ишлерини кореджек козюнъ ёкъ. Меним де оларны кореджек козюм ёкъ.

7 dРухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа Алланынъ дженнет багъчасындаки яшайыш тереги мейвасындан ашамакъ акъкъыны береджегим».

Смирна шеэриндеки иманлыларгъа мектюп

8 eСмирнадаки иманлылар джемиетининъ мелегине яз:

«Биринджи ве Сонъки, ольген ве тирильген Бири бойле дей:

9 fСенинъ азапларынъны ве фукъарелигинъни билем. Амма сен зенгинсинъ! Озьлерине еудий дегенлернинъ сени яманлагъаныны да билем. Лякин олар еудий дегиль, олар – Шейтаннынъ топлашувыдыр. 10 gБашынъа тюшеджек азаплардан къоркъма. Мына, Шейтан сизлерни сынамакъ ичюн, аранъыздан базыларны алып, тюрьмеге ташлайджакъ, ве он кунь къадар сиз азап чекеджексиз. Ольгендже садыкъ къал, ве о вакъыт Мен санъа яшайыш берерим, о, санъа тадж дайын олур.

11 hРухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адам экинджи олюмден ич бир зарар корьмез».

Пергам шеэриндеки иманлыларгъа мектюп

12 iПергамдаки иманлылар джемиетининъ мелегине яз:

«Эки тарафлы кескин къылычнынъ Сабысы бойле дей:

13Яшагъан еринъни, Шейтаннынъ тахты олгъан ерде яшагъанынъны билем. Эм де билем ки, Меним Адыма япыша бересинъ, ве атта Шейтан яшагъан ерде, аранъыздаки ишанчлы шаатым Антипа ольдюрильген куньлерде де сен Манъа олгъан иманынъдан къайтмадынъ. 14 jЛякин санъа къаршы меним бираз айтаджагъым бар: аранъызда Беламнынъ огретювини туткъанлар бар. Белам Балакъны огреткен эди, ве Балакъ Исраиль огъулларыны ёлдан урды; олар путкъа къурбан этильген этни ашады ве ороспулыкъ яптылар. 15 kСизинъ аранъызда Николай тарафдарларынынъ огретювини туткъанлар да бар. 16 lШунынъ ичюн тёвбе эт! Буны япмасанъ, Мен тезден алдынъа барып, Озь агъзымдаки къылычнен оларгъа къаршы дженк этерим.

17 mРухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа сакълангъан маннаны ашамагъа ёл берерим, оларгъа бир беяз ташны да берерим. Бу ташнынъ устюне янъы бир ад языладжакъ, оны ташны алгъан адамдан башкъа ич кимсе бильмез».

Тиатира шеэриндеки иманлыларгъа мектюп

18 nТиатирадаки иманлылар джемиетининъ мелегине яз:

«Алла Огълунынъ козьлери – алевленип янгъан атеш киби, аякълары йылтыратылгъан тунчкъа ошай. О, бойле дей:

19Сенинъ ишлеринъ, севгинъ, иманынъ, хызметинъ ве сабырынъны билем. Сонъки ишлеринъ эвелькисинден чокъ олгъаныны да билем. 20 oЛякин санъа къаршы бойле айтам: сен Изевель къадынынынъ ишлерине къаршылыкъ косьтермейсинъ. О, озюне пейгъамбер деп, Меним къулларыма ороспулыкъ япмагъа ве путкъа къурбан этильген шейлерни ашамагъа огрете ве оларны догъру ёлдан ура.

21 pОнъа тёвбе этмек ичюн вакъыт бердим, амма о, ороспулыгъындан тёвбе этмеге истемеди. 22Мына, о ве онен берабер ороспулыкъ япкъанлар тёвбе этмеселер, Мен онъа хасталыкъны, башларына буюк беляларны тюшюририм. 23 qОнынъ балаларыны ольдюреджегим, ве о вакъытта бутюн иманлылар джемиетлери биледжеклер ки, Мен адамларнынъ эм акъылларыны, эм юреклерини сынайым, эр биринъизге озь ишине коре береджегим. 24Къалгъанларынъызгъа исе, Тиатирада бу огретювге берильмегенлерге ве “Шейтан акъкъында терен огретювни” бильмегенлерге Мен бойле айтам: сизлерге башкъа юк бермем, 25 rтек, Мен кельгендже, сизде олгъаныны къатты тутунъыз. 26– 27 sБабам Манъа халкълар устюнден падишалыкъ япмагъа акъкъыны бергени киби, бу акъны енъеджек адамларгъа ве сонъунадже Меним буюргъанымны беджереджеклерге береджегим. Олар демир таякънен халкъларгъа падишалыкъ япаджакъ, ве халкълар, балчыкъ бардакълар киби, парчаланып кетеджеклер. 28Енъеджек адамгъа танъ йылдызыны да береджегим.

29 tРухнынъ иманлылар джемиетлерине айткъан лафларыны къулагъы олгъан эр бири эшитсин».
Copyright information for CrhCTB