Rev 20 | CrhCTB | STEP | Сонъ мен коктен тюшеяткъан мелекни корьдим. Онынъ къолунда тюпсюзликни ачкъан анахтар ве буюк бир зынджыр бар эди.

a Сыр 9.1

b Баш 3.1; Сыр 12.9

cЗбр 54.24; Дан 6.17

d Дан 7.9, 18; Мт 19.28; Сыр 6.9; 13.12-16

e Чыкъ 19.6; Сыр 1.6; 2.11; 14.13; 21.8

f Ехез 38.2; 39.1; Сыр 16.14

g 4 Пад 1.10; Ехез 38.22; 39.6; Сыр 11.5

h Сыр 19.20

i Збр 101.27

j Чыкъ 32.32, 33; Дан 7.10; 12.1; Мт 16.27

k Фаал 24.15

l Мт 13.42, 50

‏ Revelation of John 20

Бинъ йыллыкъ падишалыгъы

1 ^aСонъ мен коктен тюшеяткъан мелекни корьдим. Онынъ къолунда тюпсюзликни ачкъан анахтар ве буюк бир зынджыр бар эди. 2 ^bМелек аждерханы, яни Иблис ве Шейтан деген къадимий йыланны тутып, оны бинъ йылгъа багълады, 3 ^cтюпсюзлик ичине ташлады, тюпсюзликни къапатты ве онынъ къапусы устюне печат басты. Энди бинъ йыл ичинде Шейтан халкъларны бир даа алдатып оламайджакъ. Бинъ йыл кечкен сонъ исе о, къыскъа бир вакъыткъа азат этильмек керек.

4 ^dО вакъыт мен тахтларны ве тахтта отургъанларны корьдим. Оларгъа суд этмек акъкъы берильген эди. Иса акъкъында хаберни ве Алланынъ Сёзюни даркъаткъаны ичюн башлары кесильгенлернинъ джанларыны да корьдим. Олар айвангъа ве онынъ путуна ибадет этмеген, манълайларына ве къолларына онынъ тамгъасыны къабул этмегенлер. Олар тирилип, Месихнен бинъ йыл падишалыкъ эттилер. 5 Къалгъан ольгенлер исе бинъ йыл кечмегендже тирильмеди. Бу – биринджи тирилювдир. 6 ^eНе къадар бахтлы ве азиздир биринджи тирилювде тириледжеклер! Экинджи олюм оларгъа тиймейджек. Олар Алланынъ ве Месихнинъ руханийлери олып, Онен бинъ йыл падишалыкъ этеджеклер.

Шейтаннынъ енъильгени

7 Бинъ йыл кечкен сонъ, Шейтан озь зинданындан азат этиледжек ве ернинъ дёрт тарафындаки халкъларны, Гог ве Магогны алдатмагъа ве оларны дженкке топламагъа кетеджек. Мен оларнынъ сайысы, денъиз къуму киби, чокъ олгъаныны корьдим. 8 ^fОлар бутюн ер юзюни къапладылар, азиз халкънынъ ордусыны ве Алланынъ севимли шеэрини сарып алдылар. 9 ^gО вакъытта коктен атеш ягъды ве оларны къырып ташлады. 10 ^hОларны алдаткъан Шейтан атеш ве кукюрт голюне, айваннен ялан пейгъамбер олгъан ерге ташланды. О ерде олар гедже-куньдюз эбедиен чекишеджеклер.

Олюлерге чыкъарылгъан укюм

11 ⁱСонъ буюк бир беяз тахтны ве Тахтта Отургъанны корьдим. Онынъ огюнден ер ве кок ёкъ олды ве бир даа пейда олмады. 12 ^jМен Алланынъ тахты алдында тургъан буюк ве кичик олюлерни корьдим. Китаплар ачылды. Яшайыш китабы деген башкъа бир китап да ачылды. Олюлернинъ эр бири китапларда язылгъан ишлерине коре суд этильди. 13 ^kДенъиз озюндеки олюлерни йиберди, олюм ве олюлернинъ дюньясы озьлериндеки олюлерни бердилер, эр бир адам ишлерине коре укюм этильди. 14 Олюм ве олюлернинъ дюньясы атеш голюне ташланды. Мына бу атеш голю – экинджи олюмдир. 15 ^lАдлары яшайыш китабында язылмагъанларнынъ эписи атеш голюне ташланды.