a Ехез 47.1; Зек 14.8
bБаш 2.9; 3.22; Ехез 47.7, 12; Сыр 2.7
cЭюп 19.26; Збр 16.15; Мт 5.8; 1 Юх 3.2; Еуд 12.14; Сыр 7.3-4
dЗбр 35.10; Еш 60.19-20; Сыр 21.23
e Сыр 1.1
f Сыр 1.3; 3.11
g Сыр 19.10
h Дан 12.4; Сыр 1.3; 10.4
iДан 12.10; 2 Тим 3.13
j Еш 40.10; 62.11; Мт 16.27
kЕш 44.6; 48.12; Сыр 1.8; 21.6
lСыр 7.14
mИкм 12.22; 1 Кор 6.9-10; Гал 5.19-21; Сыр 21.8
n Сай 24.17; Еш 11.10; Сыр 2.26; 5.5
o Еш 55.1; Юх 7.37; Сыр 21.2, 6, 9
p Текр 4.2; 12.32; Икм 30.6
q 1 Кор 16.22

‏ Revelation of John 22

Яшайыш озени

1 aМелек манъа буллюр киби тыныкъ яшайыш озенини косьтерди. О, Алланынъ ве Къозунынъ тахтындан чыкъа 2 bве шеэрнинъ баш сокъагъындан акъаята эди. Озеннинъ о тарафында да, бу тарафында да бир яшайыш тереги бар эди. Эр айда, йылда он эки кере бу терек мейва бере, терекнинъ япракълары халкъларгъа шифа бермек ичюн эди. 3Ич бир арам, Алланынъ лянети устюнде олгъан шей анда къалмайджакъ, лякин шеэрде Алланынъ ве Къозунынъ тахты оладжакъ, ве Онынъ къуллары Онъа хызмет этеджеклер. 4 cАдамлар Онынъ бетини кореджек, ве Онынъ Ады оларнынъ манълайларында языладжакъ. 5 dО ерде гедже олмайджакъ, лампат ярыгъы да, кунеш ярыгъы да керек олмайджакъ. Оларгъа Рабби-Тааля ярыкъ береджек, ве олар эбедиен падишалыкъ япаджакълар.

Иса келеята

6 eМелек манъа шойле деди:

– Бу сёзлер догъру ве акъикъийдир. Якъын арада оладжакъ шейни къулларына бильдирмек ичюн, азиз пейгъамберлерге Озь Рухуны берген Рабби-Тааля Озь мелегини ёллады.

7 f– Мына, Мен тезден келеджегим! Не де бахтлыдыр бу китапнынъ пейгъамберлик сёзлерини акъылда туткъан адам!

8 gМен, Юхан, буны корьдим ве эшиттим. Буны корип эшиткенимде, шу шейлерни манъа косьтерген мелекнинъ аякъларына йыкъылып, ибадет этмеге истедим. 9Амма о манъа:

– Ёкъ, буны япма! Мен, сен киби, пейгъамбер къардашларынъ ве бу китапнынъ сёзлерини акъылда туткъанлар киби, Алланынъ бир къулум. Аллагъа ибадет эт! – деди.

10 hСонъ манъа даа бойле деди:

– Бу китапнынъ пейгъамберлик сёзлерине печат къойма, оларны сакълама. Вакъыт аз къалды. 11 iИнсафсыз адам яманлыкъ япа берсин, арам адам арамлыкъ япа берсин. Инсафлы догъру иш япсын, азиз адам азиз олып къалсын.

12 j– Мына, Мен тезден келеджегим, береджек акъкъым ве джезам Озюмнен. Эр кимге ишлерине коре береджегим. 13 kМен Альфа ве Омега, Биринджи ве Сонъки, эр шейнинъ эм Башы, эм Сонъудырым. 14 lНе къадар бахтлыдыр урбаларыны ювгъанлар! Оларнынъ шеэр араба къапуларындан кирмеге ве яшайыш тереги мейвасындан ашамагъа акъкъы бар! 15 mТышарыда исе пис шейлерни япкъан адамлар, джадылар, ороспулар, адамларны ольдюргенлер, путперестлер, яланны севген ве ялан айткъанлар къаладжакълар.

16 n– Мен, Иса, иманлылар джемиетлериме бу хаберни айтмагъа сизге Озь мелегимни ёлладым. Мен – Давутнынъ тамырым ве несилим, ярыкъ танъ йылдызым.

17 oРух ве келин:

– Кель! – дейлер. Эшиткен адам да:

– Кель! – десин.

Сувсагъан адам кельсин, истеген адам яшайыш сувуны бедава алсын.

18 pБу китапнынъ пейгъамберлик сёзлерини эшиткен эр бир адамгъа бойле бильдирем: ким оларгъа бир шей къошса, Алла онъа бу китапта язылгъан беляларны къошаджакъ. 19Ким бу китаптаки пейгъамберлик сёзлеринден бир шейни алып ташласа, Алла ондан бу китапта язылгъан яшайыш терегинден ашамагъа ве мукъаддес шеэрде яшамагъа акъкъыны алып ташлайджакъ.

20 qБу шейлерни хабер эткен:

– Эбет, Мен тезден келеджегим! – дей.

Амин! Кель, Рабби Иса!

21Рабби Исанынъ эйилиги эпинъизнен олсун!
Copyright information for CrhCTB