a Еш 8.16; 29.11; Ехез 2.9-10; Дан 12.4; Сыр 10.4; 22.10
bБаш 49.9; Еш 11.10; Сыр 22.16
c Еш 53.7; Зек 3.9; 4.10; Юх 1.29, 36; 1 Пётр 1.19; Фаал 8.32-33; Сыр 1.4-5
dЗбр 140.2; Сыр 8.3-4
eЗбр 32.3; Сыр 7.9; 11.9; 14.3-4, 6
f Чыкъ 19.6; 1 Пётр 2.9; Сыр 1.6
g Дан 7.10; Лк 2.13
hСыр 4.11
i Збр 144.16; 150.6; 1 Пётр 4.11; Иуда 1.24-25; Сыр 1.6; 7.12
j Сыр 4.10

‏ Revelation of John 5

Бурулгъан кягъыт ве Къозу

1 aТахтта Отургъаннынъ онъ къолунда ичи де, тышы да язылгъан, еди печатнен басылгъан бир бурулгъан кягъытны корьдим. 2Сонъ къудретли бир мелекни корьдим. О, кучьлю сеснен:

– Бурулгъан кягъытнынъ печатларыны бозмагъа ве кягъытны ачмагъа ким ляйыкъ? – деп илян этти.

3Амма не кокте, не ер юзюнде, не ер тюбюнде бурулгъан кягъытны ачмагъа ве ичине бакъмагъа кучю еткен ич бир кимсе ёкъ эди. 4Бурулгъан кягъытны ачып окъумагъа я да ичине бакъмагъа ляйыкъ кимсе тапылмагъаны ичюн, мен чокъ агълап башладым. 5 bО вакъыт акъсакъаллардан бири манъа:

– Агълама! Мына, Ехуда къабилесинден Арслан, Давутнынъ Эвляды, енъди ве энди еди печатны бозып ве бурулгъан кягъытны ачып ола, – деди.

6 cБакъсам, дёрт айваннынъ арасында, тахтнынъ ортасында, акъсакъалларнынъ ортасында бир Къозу тургъаныны корьдим. О, къурбан чалынгъан киби эди. Къозунынъ еди бойнузы ве еди козю бар эди. Булар – Алланынъ ер юзюне ёллагъан еди Рухудыр. 7Къозу келип, бурулгъан кягъытны Тахтта Отургъаннынъ онъ къолундан алды. 8 dО, бурулгъан кягъытны алгъанда, дёрт айван ве йигирми дёрт акъсакъал Къозунынъ алдына ерге йыкъылдылар. Эр бирининъ къолунда арфа ве алтын чанакълар бар эди. Чанакълар къокъулы миске, азизлернинъ дуваларына толу эди. 9 eОлар янъы бир йыр йырлай башладылар: – Сен бурулгъан кягъытны алмагъа,
онынъ печатларыны бозмагъа ляйыкъсынъ!
Чюнки Сен къурбан оларакъ союлдынъ,
ве Озь къанынъны тёкип, эр бир къабиледен,
эр бир тильде лаф эткен миллеттен ве халкътан
адамлар ичюн буюк фият тёлединъ ве оларны Аллагъа багъышладынъ.
 10 fСен оларны Алламыз ичюн падиша ве руханий яптынъ,
энди олар ер юзюнде падишалыкъ япаджакълар.

11 gСонъ бакъсам, тахтнынъ этрафында чокъ мелеклернинъ, айванларнынъ ве акъсакъалларнынъ сеслерини эшиттим. Оларнынъ сайысы бинълернен бинълер, он бинълернен он бинълер эди. 12 hОлар кучьлю сеснен айттылар: – Къурбан оларакъ союлгъан Къозу
кучь ве зенгинликке, икмет ве къудретке,
шан ве шуретке, эм де бинъ шукюрлерге ляйыкътыр!

13 iКокте ве ер юзюнде, эм де ер тюбюнде ве денъизде эр бир яшагъан айван, эр бир яратылгъан джан бойле дегенини эшиттим: – Тахтта Отургъан Аллагъа ве Къозугъа
эбедиен бинъ шукюрлер, шан-шурет ве къудрет олсун!

14 jДёрт айван: «Амин!» – дедилер. Йигирми дёрт акъсакъал исе ерге йыкъылып ибадет эттилер.
Copyright information for CrhCTB