a Рим 6.13
b2 Кор 4.16; Эф 4.23; 5.17; 1 Тес 4.3
c Джем 7.16; Эф 3.2
d1 Кор 12.12-14; Эф 4.16
e1 Кор 10.17; 12.27; Эф 4.25
f1 Пётр 4.10; 1 Кор 12.4
g1 Кор 12.5
h2 Кор 9.7; 1 Тим 5.17
i Збр 96.10; Ам 5.15; 1 Пётр 1.22; 1 Тим 1.5
jЮх 13.34; 1 Пётр 1.22; 2 Пётр 1.7; 1 Тес 4.9; Флп 2.3; Еуд 13.1
kЛк 18.1; 21.36; Эф 6.18; Кол 4.2; 1 Тес 5.17
lРим 15.25; 1 Кор 16.1; 1 Тим 6.18
mЭюп 31.29-30; Мт 5.44; 1 Пётр 3.9
n 1 Кор 12.26
o1 Пётр 3.8; Флп 2.2
pЛев 19.18; 1 Пётр 3.9; 1 Тес 5.15
q Мк 9.50; 2 Кор 13.11; 1 Тес 5.13
rТекр 32.35; Икм 20.22; Еуд 10.30
s 4 Пад 6.22; 2 Тар 28.15; Икм 25.21-22; Мт 5.44

‏ Romans 12

Месихнинъ издешлерине ляйыкъ олгъаны киби яшанъыз

1 aАгъа-къардашларым, сизге Алланынъ мераметинен ялварам: тири ве азиз, Алла бегенген къурбанлыкъ киби, джанларынъызны Аллагъа беринъиз. Бойле ибадет акъикъийдир. 2 bБу дюньягъа уйманъыз, амма, акъылынъыз янъы олгъан сайын, денъишинъиз ве Алланынъ яхшы, гузель ве къусурсыз истегенини сынап анъланъыз.

3 cМанъа берильген эйиликнен эр биринъизге буны айтам: озюнъиз акъкъында олгъанынъыздан зияде тюшюнменъиз. Амма Алла эр бир адамгъа не къадар иман берген олса, шунъа коре алчакъгонъюлликнен озюнъизни тюшюнинъиз. 4 dБир беденнинъ мучелери чокъ, эр мученинъ исе озь иши бар. 5 eБиз де, Месихнен берабер бир беден олып, бири-биримизге коре беденнинъ башкъа-башкъа мучелеримиз. 6 fБизге Алланынъ эйилигинен берильген къабилиетлер де башкъа-башкъадыр. Биревнинъ къабилиети пейгъамберлик этмек олса, иманына коре пейгъамберлик япсын. 7 gЭгер хызмет этмек къабилиети олса, хызмет этсин; огретмек къабилиети олса, огретсин. 8 hКим гонъюль алмагъа уста олса, алсын. Бермеге севген адам ачыкъ юрекнен берсин. Ким башлыкъ олса, гъайретнен башлыкъ олсун. Мераметли олса, къуванчнен мераметлик япсын.

9 iСевгинъиз джан-юректен олсун. Яманлыкъны кореджек козюнъиз олмасын, лякин яхшылыкъкъа япышынъыз. 10 jБири-биринъизни агъа-къардаш киби сыджакъ севгинен севинъиз, башкъаларына озюнъизден зияде сайгъы косьтеринъиз, 11гъайретинъизни эксильтменъиз, ичинъизде яшагъан Рухтан къызынъыз, 12 kумютнен къуванынъыз, кедерде сабырлы олунъыз, токътамайып дува окъунъыз, 13 lихтияджы олгъан иманлыларгъа ярдым этинъиз, мусафирчен олунъыз. 14 mСизлерни къувалагъанларгъа яхшылыкъ тиленъиз. Яхшылыкъ тиленъиз ве къаргъаманъыз.

15 nКъувангъанларнен берабер къуванынъыз, агълагъанларнен берабер агъланъыз. 16 oОзьара бир фикирде олунъыз. Къопай олманъыз, алчакъгонъюлли адамларнен дост олунъыз. Озюнъизни пек акъыллы деп сайманъыз. 17 pИч кимсенинъ яманлыгъына яманлыкънен къайтарманъыз. Бутюн адамлар яхшы сайгъан шейлерни япынъыз.

18 qЭгер мумкюн олса, къолунъыздан кельгендже, бутюн адамларнен муаббет яшанъыз. 19 rСевимли агъа-къардашларым, озьлеринъиз очь алманъыз, Алланынъ гъазабына ер беринъиз. Язылгъан ки: – Очь алмакъ Меним къолумда,
джезасыны Мен берерим, – дей Рабби.

20 sАксине, «душманынъ ач олса, онъа аш бер, сувсагъан олса, сув бер. Бойле япып, башына янгъан куллер киби топларсынъ».

21Яманлыкъ сени енъмесин, лякин яманлыкъны яхшылыкънен енъ.
Copyright information for CrhCTB