Romans 9
Исраиль ве Алланынъ ваделери
1 aМесихнинъ огюнде догърусыны айтам, ялан айтмайым; Мукъаддес Рухнен берабер виджданым да бунъа шааттыр: 2юрегим буюк гъамнен ве битмез дертнен сызлай. 3 bАгъа-къардашларым ве сойдашларым олгъан исраиллилер ичюн мен, эгер мумкюн олса, лянет олмагъа, Месихтен айырылмагъа биле истер эдим. 4Алла оларны огъуллыкъкъа алды, оларгъа Озь Шуретини косьтерди, васиетлерини ве Къанунны берди, ибадет этмеге огретти ве ваделерини берди. 5Буюк баба-деделер – оларнынъкидир, Месих де олардан догъды. Эр шейнинъ устюнден олгъан Аллагъа эбедиен макътавлар олсун! ▼▼Я да «О, эр шейге падишалыкъ эткен, эбедиен макътавларгъа ляйыкъ олгъан Алладыр!»
Амин! 6 dАлла Озь сёзюни беджермеди, демеге янълыштыр. Исраиллилернинъ арасында акъикъий исраиллилер бар, лякин эписи дегиль. 7 eИбраимнинъ огъуллары арасында акъикъий огъуллары бар, лякин эписи дегиль. Язылгъаны киби: «Сенинъ эвлятларынъ оларакъ Исхакътан чыкъкъанлар сайыладжакълар». 8 fДемек, Алланынъ балалары – догъмуш балалар дегильдир. Лякин акъикъий балалар оларакъ вадеге коре догъгъанлар сайылыр. 9 gВаденинъ сёзлери исе бойле: «Келеджек йылы тамам бу вакъытта Мен кене келирим. О вакъыт Сареде огълан бала догъаджакъ». 10 hБундан да гъайры, Рефикъа бир акъайдан, буюк баба-дедемиз Исхакътан агъыраякълы олды. 11– 12 iЭгизлер даа догъмагъан, яхшы я да яман ич бир иш япмагъан эдилер, амма Алланынъ ниети адамнынъ ишлерине коре дегиль, Алланынъ сайлагъанына ве чагъыргъанына коре беджерильсин деп, Сареге бойле айтылды: «Кичкенесине буюги хызмет этеджек». 13 jЯзылгъаны киби: «Мен Якъупны севдим, Исавны исе кореджек козюм олмады». 14 kБунъа не айтаджакъмыз? Алла адалетсизми? Асыл ёкъ! 15 lО, Мусагъа бойле дей: «Кимни аджымагъа истесем – оны аджырым, кимге мерамет эйлемеге истесем – онъа мерамет эйлерим». 16Бойлеликнен, Алланынъ сайлавы адамнынъ истегенине я да арекетине дегиль, Алланынъ мераметине багълыдыр. 17 mЯзыда Алла фыравунгъа бойле айта: «Санъа къудретим корюнсин ве Адым бутюн ер юзюнде белли олсун деп, Мен сени юксельттим». 18Демек, Алла кимге мерамет эйлемеге истесе, онъа мерамет эте, ве кимнинъ юрегини къатты этмеге истесе, онынъ юрегини таш киби япа. Алланынъ мерамети ве хышымы
19 nСен менден сорарсынъ: «Не ичюн Алла биревни къабаатлай? Онынъ истегенине къаршы чыкъкъан адам бармы?» 20 oЭй, адам, сен кимсинъ? Аллагъа сёз къайтарырсынъмы? Чёльмек чёльмекчиге: «Мени не ичюн бойле ясадынъ?» – дерми? 21 pЯ да эм паалы савутны, эм адий чёльмекни айны бир чамурдан ясамагъа чёльмекчининъ акъкъы ёкъмы? 22 qБельки, гъазабыны косьтермеге ве къудретини бильдирмеге истеп, Алла чокъ сабыр этип, гъазабынен ёкъ этеджек базыларына (демек, гъазап савутларына) чыдай эди. 23Бойле этип, О, бельки, мерамет косьтермеге ве эвельден шурет ичюн азырлангъан адамларгъа (демек, мерамет савутларына) шуретининъ боллугъыны бильдирмеге истей эди. 24 rБу мерамет савутлары – бизмиз. Алла бизни эм еудийлерден, эм башкъа халкълардан имангъа чагъырды. 25 sБунынъ акъкъында Алла Хошеанынъ китабында бойле айта: Халкъым олмагъанларгъа: «Сиз – Меним халкъымсыз»,севгилим олмагъанларгъа: «Сиз – Меним севгилимсиз», – дейджегим.
26 t«Сиз Алланынъ халкъы дегильсинъиз», – деген ерде оларгъа:
«Сиз Тири Алланынъ огъулларысынъыз», – дейджеклер.
27Ешая да Исраиль акъкъында бойле къычырып дей: Исраиль огъулларынынъ сайысы денъиз къуму къадар олса да,
къуртулыш пек азы тападжакъ.
28 uРабби ер юзюнде тез ве бутюнлей Озь судуны этеджек.
29 vЕшая пейгъамберлик япкъаны киби: Ордуларнынъ РАББИси базыларымызны сагъ къалдырмагъан олса,
биз де Содом киби олып, Гоморагъа ошар эдик.
Ишлер ичюн дегиль, иман ичюн акъланув
30 wЭнди не айтайыкъ? Акъланувны къыдырмагъан халкълар иманлары ичюн акъланды. 31 xИсраиллилер исе, Къанунны беджергенинен акъланмагъа тырышкъан олса да, бунъа етмедилер. 32Не ичюн? Чюнки олар имангъа дегиль, ишлерине таянды. Олар «адамларны сюрюндирген ташкъа» сюрюндилер. yЯзылгъаны киби: Мына, Мен Сионда сюрюндирген ташны,йыкътырыджы къаяны къоям.
Онъа иман эткен адам утанмайджакъ.
33
Copyright information for
CrhCTB